Gujarati News

Gujarati News

News of Friday, 4th October 2019

નાગિન-૪ માટે એકતાની તૈયારીઃ પ્રોમો સામે આવ્યો

ટીવી પરદે નાગિન શોએ ખુબ જમાવટ કરી હતી. આ શોના અસંખ્ય ચાહકોને નાગિન શોની ત્રણેય સિરીઝ પસંદ પડી હતી. હવે નાગિન-૪ લાવવા એકતા કપૂરે તૈયારી કરી છે. ચોથી સિઝનનો પ્રોમો પણ રજૂ કરી દેવામાં આવ્યો છે. નાગિન-૪ માટે એકતા કપૂર સમયાંતરે નવી નવી વિગતો જાહેર કરતી રહે છે. હવે નાગિન-૪નો જે પ્રોમો સામે આવ્યો છે તેમાં બે નાગિનર એક સાથે જંગલમાં જઇ રહેલી અને શિવજીની પૂજા કરતી જોવા મળી રહી છે. શિવલીંગ સામે આ બંને નાગિન હાથ જોડીને બેઠેલી દેખાય છે અને નાગમણિ પણ જોવા મળે છે. આ બંને નાગિનના ચહેરા હજુ દેખાડવામાં આવ્યા નથી. જેથી નાગિન-૪માં કોણ કોણ અભિનય કરશે તે વિશે હજુ સસ્પેન્સ રખાયું છે. પ્રોમો જોતાં તે ખુબ દિલચશ્પ જણાય છે. દર્શકો એ જાણવા અધિરા છે કઇ-કઇ રૂપસુંદરી આ વખતે એકતાની નાગિનનો તાજ પહેરશે? સુરભિ જ્યોતિ, ક્રિસ્ટલ ડિસૂઝા અને પૂજા બેનર્જીના નામ આ માટે આગળ છે.

 

(9:45 am IST)
  • હરિયાણામાં કોંગ્રેસના 40 સ્ટાર પ્રચારકોની યાદીમાં નવજોતસિંહ સિદ્ધુ ગાયબ : હરિયાણામાં કોંગ્રેસના 40 સ્ટાર પ્રચારકોની યાદી જાહેર : વિધાનસભા ચૂંટણીમાં સાંભળશે મોરચો :પંજાબની નજીકના આ રાજ્યની ચૂંટણી માટે કોંગ્રેસના પ્રચારકોની યાદીમાં સિદ્ધુ ના નામની બાદબાકી access_time 12:58 am IST

  • મહારાષ્ટ્ર વિધાનસભાની ચૂંટણી માટે કોંગ્રેસના ઉમેદવારોની ચોથી યાદી જાહેર : ચોથી યાદીમાં 19 ઉમેદવારોના નામ સામેલ : આ પહેલા 122 ઉમેદવારો જાહેર કર્યા બાદ પાર્ટીએ ચોથી યાદી બહાર પાડી : પહેલી યાદીમાં 51, બીજી યાદીમાં 52 અને ત્રીજી યાદીમાં 20 નામ હતા જયારે ચોથી યાદીમાં વધુ 19 ઉમેદવારો જાહેર કર્યા access_time 1:15 am IST

  • સુરતનાં વરાછા વિસ્તારમાં અત્યારે સાંજે ૫ વાગ્યે જોરદાર વરસાદી ઝાપટું પડી ગયું access_time 8:21 pm IST