Gujarati News

મુંબઈ- બોલિવૂડના કિંગખાન તરીકે ઓળખાતા શાહરુખ ખાનનું કહેવુ છે કે તે પોતાની સફળતા અને પ્રસિદ્ધિ માટે સલમાન ખાનના પિતા સલીમ ખાનનો આભારી છે.

ઉલ્લેખનીય છે કે સલમાન ખાન ‘દસ કા દમ 3’ હોસ્ટ કરે છે. આ શૉના ગ્રાન્ડ ફિનાલેમાં શાહરુખ ખાન પહોંચ્યો હતો. શાહરુખે અહીં જણાવ્યું કે, સ્ટ્રગલિંગ એક્ટર કરીતે હું જ્યારે પહેલીવાર મુંબઈ આવ્યો હતો ત્યારે હું સલમાન ખાનના ઘરે જમતો હતો. અને સલીમ ખાનજી મારું ઘણું ધ્યાન રાખતા હતા. આજ લોકોને કારણે હું શાહરુખ ખાન બની શક્યો.

શાહરુખ ખાને જણાવ્યું કે, હું આ શૉ પર માત્ર સલમાનને કારણે આવ્યો છુ અને તે મને જ્યાં જવાનું કહેશે હું જતો રહીશ. આ શૉમાં તે રાણી મુખર્જી સાથે આવ્યો હતો.

ઉલ્લેખનીય છે કે શાહરુખ આનંદ એલ. રાયની ફિલ્મ ઝિરોમાં કેટરીના કૈફ અને અનુષ્કા શર્મા સાથે દેખાશે. સલમાન ખાન અત્યારે ભારતની શૂટિંગ કરી રહ્યો છે, જેમાં પણ તેની સાથે કેટરિના કૈફ કો-એક્ટ્રેસ છે.