Gujarati News

અભિનેત્રી રાધિકા આપ્ટે અને અભિનેતા વિક્રાંત મેસ્સી એક સાથે કામ કરી રહ્યા છે. આ બંને સસ્પેન્સ ક્રાઇમ થ્રિલરમાં કામ કરી રહ્યા છે. જેનું નામ 'ફોરેન્સિક' રખાયું છે. રાધિકા અને વિક્રમ બંનેને આ પ્રકારની સિરીઝ-ફિલ્મો કરવાનો અનુભવ છે. ફોરેન્સિકનું નિર્દેશન વિશાલ ફુરિયા કરી રહ્યા છે. તેની આ પહેલી જ ફિલ્મ છે. રાધિકાએ કહ્યું હતું કે 'થ્રિલર ફિલ્મમાં કામ કરવાનો એક ચોક્કસ રસ્તો છે અને 'ફૉરેન્સિક' દ્વારા એ વધુ આનંદ દાયક બનશે. હું આ કામ માટે ખુબ ઉત્સાહિત છું. વિક્રાંત અને વિશાલે અગાઉ 'ક્રાઇમ જસ્ટિસ'માં પણ સાથે કામ કર્યું હતું. આ વિશે વાત કરતાં વિક્રાંતે કહ્યું હતું કે હું હંમેશાંથી કહેતો આવ્યો છું કે ફિલ્મ માટે સૌથી મહત્ત્વની સ્ટોરી હોય છે. ડિરેકટર વિશાલ ફુરિયાએ જ્યારે મને આ ફિલ્મની કહાની સંભળાવી ત્યારે એક અભિનેતા તરીકે અને એક દર્શક તરીકે પણ મને તેમાં ખુબ જ રસ પડી ગયો હતો અને મેં રોલ સ્વીકારી લીધો હતો.