Gujarati News

મુંબઈ: બોલીવુડમાં બાયોપિક ફિલ્મોનો યુગ ચાલી રહ્યો છે. આવી સ્થિતિમાં હવે મહિલા ક્રિકેટર મિતાલી રાજની વાર્તા પડદા પર આવવાની છે. મિતાલી રાજ 3જી ડિસેમ્બરે તેનો જન્મદિવસ ઉજવે છે. આ ખાસ અવસર પર મેકર્સે તેને ગિફ્ટ આપતા તેની બાયોપિક ફિલ્મની રિલીઝ ડેટ જાહેર કરી છે. તાપસી પન્નુ સ્ટારર ફિલ્મ 4 ફેબ્રુઆરી 2022ના રોજ સિનેમાઘરોમાં રિલીઝ થશે. હાલના સમય પર નજર કરીએ તો ક્રિકેટ પર આધારિત 'જર્સી' અને 83નું ટ્રેલર આવી ગયું છે. બંને ફિલ્મો પછી આ ત્રીજી ફિલ્મ છે જે ક્રિકેટ પર બની છે અને ટૂંક સમયમાં મોટા પડદા પર આવવા જઈ રહી છે.