Gujarati News

કાજોલના ચાહકો માટે ખુશ ખબર છે. તેની એક ફિલ્મ એક મહિના પછી ઓનલાઇન રિલીઝ થવાની છે. છેલ્લે કાજોલ પતિ અજય દેવગણ સાથે ફિલ્મ તાન્હાજી-ધ અનસંગ વોરિયરમાં જોવા મળી હતી. એ પછી એક વેબ સિરીઝ માટે તેનું નામ નક્કી થઇ ગયું હતું. પરંતુ બાદમાં તેણે એ કામ છોડી દીધું હતું. હવે તેની ફિલ્મ ત્રિભંગા જાન્યુઆરીમાં રિલીઝ થઇ રહી છે. રેણુકા શહાણેએ આ ફિલ્મનું નિર્દેશન કર્યુ છે. કાજોલ સાથે મિથીલા પાર્કર, તન્વી આઝમી પણ ખાસ રોલમાં છે. કાજોલે કહ્યું હતું કે હું આ વર્ષ પુરૂ થાય તેની રાહ જોઇ રહી છું. નવા વર્ષના પ્રારંભે જ મારી ફિલ્મ આવી રહી છે. ત્રણ મહિલાઓની કહાની તેમાં જોવા મળશે. કાજોલે જણાવ્યું હતું કે મને આ ફિલ્મ કરતી વખતે ખુબ અનુભવો મળ્યા હતાં. રેણુકા અત્યંત પ્રંસશનીય નિર્દેશક છે. એ કારણે પણ સોૈ આ ફિલ્મ જોવે તે જરૂરી છે. ફેબ્રુઆરીમાં પણ ચાહકો  માટે મારી પાસે કંઇક ખાસ હશે.