Gujarati News

Gujarati News

News of Thursday, 3rd December 2020

અજય પાસે ફિલ્મોની કતારઃ એક પછી એક કામ શરૂ કરશે

સિંઘમ સ્ટાર અજય દેવગણ પાસે ફિલ્મોની લાઇન લાગી છે. કેટલીક ફિલ્મો ફલોર પર પણ છે. આગામી મહિનામાં તે ફિલ્મ 'મે ડે'નું શુટીંગ શરૂ કરશે. આ ફિલ્મ તેના નિર્દેશનમાં બનશે. જેમાં અમિતાભ બચ્ચન અને રકુલપ્રિત સિંહ મુખ્ય રોલમાં છે. આ શેડ્યુલ પુરો થતાં જ અજય મેદાન ફિલ્મનું કામ પુરૂ કરશે. મે ડે થ્રિલર ડ્રામા  છે. જેનું શુટીંગ ૧૧મી ડિસેમ્બરથી હૈદરાબાદમાં થશે. જેમાં અજય એરફોર્સ પાયલોટના રોલમાં છે. અમિતાભનું પાત્ર હજુ જાહેર કરવામાં આવ્યું નથી. અન્ય ફિલ્મ મેદાનનું ઘણુંખરૂ શુટીંગ થઇ ગયું છે. બાકીનું શુટીંગ હવે કરાશે. નિર્દેશક અમિત શર્માની આ ફિલ્મ ફૂટબોલ કોચ સૈયદ અબ્દુલ રહિમ પર આધારીત છે. અજય એસએસ રાજામોૈલીની ફિલ્મ આઆરઆર પણ કરી રહ્યો છે. જેમાં રામચરણ તેજા અને જુનિયર એનટીઆર તેમજ આલિયા ભટ્ટ પણ છે. આ ફિલ્મ આઠમી જાન્યુઆરીએ રિલીઝ થવાની છે. ગોલમાલ-૫, સિંઘમની સિકવલ સિંઘમ-૩ પણ કતારમાં છે.

(9:35 am IST)
  • મોડી રાત્રે વાવાઝોડાની અસર રૂપે તામિલનાડુમાં ઠેરઠેર અતિભારે વરસાદ પડી ગયો છે ચેન્નાઈમાં આવતીકાલે સવાર સુધી અતિભારે વરસાદની આગાહી થઈ છે જ્યારે તામિલનાડુમાં સોમવાર સુધી વરસાદ વરસતો રહેશે તેવી ધારણા છે access_time 11:50 pm IST

  • " પદ્મ વિભૂષણ " પુરસ્કાર પરત : કૃષિ બિલના વિરોધમાં પંજાબના પૂર્વ મુખ્યમંત્રી પ્રકાશસિંઘ બાદલે " પદ્મ વિભૂષણ " પુરસ્કાર પરત કર્યો : દેશનું બીજા નંબરનું સર્વોચ્ચ સન્માન પરત સોંપી દીધું : સરકારે ખેડૂતો સાથે વિશ્વાસઘાત કર્યાનો આક્ષેપ access_time 2:04 pm IST

  • બિહારમાં ગયા જિલ્લાના અમાસ પોલીસ સ્ટેશન હેઠળ આવેલા મહાપુર ગામ નજીક જીટી રોડ ઉપર સ્કોર્પિયો વાહન અને કન્ટેનર ટ્રક વચ્ચે સામ-સામે જોરદાર અથડાતા આ ગંભીર અકસ્માતમાં 3 લોકોનાં મોત નીપજ્યાં છે અને 2 ઘાયલ થયા છે. access_time 12:05 am IST