Gujarati News

Gujarati News

News of Tuesday, 3rd November 2020

બુર્જ ખલીફા પર શાહરૂખના બર્થડેનું સેલિબ્રેશન

બુર્જ ખલીફા શાહરૂખને બર્થડે વિશ કરવા માટે જગમગી ઉઠી

દુબઇ, તા.૩: શાહરૂખ ખાન હાલમાં દુબઈમાં છે અને તેણે ત્યાં જ પોતાનો બર્થડે સેલિબ્રેટ કર્યો છે. દુબઈમાં શાહરૂખ ખાનના બર્થડેનું સેલિબ્રેશન શાનદાર કહ્યું જયાં, આખી બુર્જ ખલીફા બિલ્ડીંગ પર એકટર માટે લાઈટિંગ કરાઈ હતી. આ અવસરનો એક વિડીયો ખૂબ વાઈરલ થઈ રહ્યો છે. જેમાં શાહરૂખ પોતે બુર્ઝ ખલીફા ટાવર પર પોતાના જન્મદિવસના સેલિબ્રેશનની મજા લેતા દેખાઈ રહ્યો છે.

શાહરૂખ ખાનના ૫૫મા જન્મદિવસ પર આ વિડીયો તેના ફેન પેજ પર શેર કરવામાં આવ્યો છે. આ પોસ્ટમાં બતાવાયું છે કે આ વિડીયો પોતાની સાથે વાતો કરે છે. બુર્જ ખલીફા શાહરૂખને બર્થડે વિશ કરવા માટે જગમગી ઉઠી. આ વિડીયોમાં શાહરૂખ પોતાની સામે ઉપસ્થિત ફેન્સનો આભાર વ્યકત કરતા દેખાઈ રહ્યો છે.

શાહરૂખ ખાને આ અવસરે એક તસવીર શેર કરી છે, જેમાં તે બુર્જ ખલીફા ટાવર સામે ઊભેલો દેખાય છે. અને તેના પર હેપ્પી બર્થડે શાહરૂખ લખેલું છે. આ તસવીરને શેર કરતા શાહરૂખ ખાને પોતાના ફેન્સ સાથે કેટલીક વાતો પણ શેર કરી.

શાહરૂખ ખાને લખ્યું છે, પોતાને દુનિયાની સૌથી મોટી અને લાંબી સ્ક્રીન પર જોવાનું સુખદ છે. મારા મિત્ર મોહમ્મદ અલાવરએ મને પોતાની આગામી ફિલ્મ પહેલા જ સૌથી મોટી સ્ક્રીન આપી દીધી છે. થેંકસ બુર્જ ખલીફા અને દુબઈ, તમને બધાને પ્રેમ.

ઉલ્લેખનીય છે કે આ પહેલીવાર નથી જયારે શાહરૂખના બર્થડેનો આવો નજારો પહેલીવાર દેખાયો હોય. આ પહેલા પણ દુબઈ અને બુર્જ ખલીફામાં શાહરૂખ ખાનના બર્થડેનું સેલિબ્રેશન ધામધૂમથી ઉજવાતું રહ્યું છે.

(3:32 pm IST)