Gujarati News

મુંબઈ: ફિલ્મ વિવેચક રશીદ ઈરાનીનું 74 વર્ષની વયે નિધન થયું છે. તેનો મૃતદેહ  સોમવારે તેના ઘરમાંથી મળી આવ્યો હતો. અહેવાલો અનુસાર એવું કહેવામાં આવી રહ્યું છે કે 30 જુલાઈના રોજ રશીદનું અવસાન થયું, પરિવારનો કોઈ સભ્ય હાજર ન હતો, જેના કારણે કોઈને તેના મૃત્યુની ખબર ન પડી. તેમના મૃત્યુની સત્તાવાર માહિતી મુંબઈ પ્રેસ ક્લબ દ્વારા ટ્વિટર પર આપવામાં આવી હતી. મુંબઈ પ્રેસ ક્લબે લખ્યું કે, "દેશના અગ્રણી ફિલ્મ વિવેચકોમાંના 74 વર્ષીય રાશીદ ઈરાનીનું 30 જુલાઈએ ઘરે નિધન થયું. તેઓ 2-3 દિવસ સુધી દેખાયા ન હતા, ત્યારબાદ તેમના મિત્રો, ક્લબના અધિકારીઓ અને દ્વારા શોધવામાં આવ્યા હતા. પોલીસ તેના ઘરે પહોંચી, જ્યાં તેનો મૃતદેહ મળ્યો. "