Gujarati News

મુંબઇઃ સોશિયલ મીડિયા પર દીપિકા પાદુકોણ અને રણવીર સિંહનો એક વીડિયો હાલમાં વાઈરલ થઈ રહ્યો છે. વીડિયોમાં આ કપલ હોલીડે પર જઈ રહ્યું છે. અચાનક એક ફેન આ બોલિવૂડ કપલને ઓળખી લે છે. ત્યારે જ તે બંનેને પૂછી રહી છે કે શું તે તેમની સાથે તસવીર ક્લિક કરી શકે છે? આ સાથે જ વીડિયો ખતમ થઈ જાય છે. આ વીડિયોને જોઈને પહેલી જ નજરમાં લોકો તેના ક્યૂટ હોવાનો દાવો કરી રહ્યા છે.

દીપિકા અને રણવીરના ફેન્સ આ વીડિયોમાં બંનેની જોડી પર ખૂબ જ પ્રેમ વરસાવી રહ્યા છે. તો વાઈરલ વીડિયોને લઈને હાલમાં જ એક ખબર સામે આવી છે. જાણકારી મુજબ આ વીડિયો ફ્લોરિડાનો છે. અહીં બંને હોલી ડે મનાવી રહ્યા છે. ત્યારે જાણકારી મળી છે કે જે ફેને રણવીર-દીપિકાનો આ વીડિયો બનાવ્યો છે તે તેની સાથે મારપીટ કરવામાં આવી. રિપોર્ટ્સ મુજબ આ વીડિયો રેકોર્ડ કરનારી ફેનનું નામ જૈનબ ખાન છે. આ બોલિવૂડ કપલે જૈનબ સાથે મારામારી કરી.

હકીકતમાં એક ફોટોગ્રાફરે આ વીડિયોને પોતાના ઈન્સ્ટાગ્રામ પર પોસ્ટ કર્યો છે. એવામાં આ ફેન મહિલાએ તે પોસ્ટમાં પોતાની કમેન્ટ કરી. કમેન્ટમાં જ્યારે જૈનબે લખ્યું, મેં જ આ વીડિયો શેર કર્યો હતો. આ દરમિયાન તેમના દ્વારા મારા પર હુમલો કરવામાં આવ્યો. આ ખૂબ ખરાબ એક્ટર્સ છે. ફેન આગળ લખે છે, તેમણે આજે એક ફેન ગુમાવી દીધી. હવે મારી નજરોમાં તેમની કોઈ ઈજ્જત નથી રહી. એવામાં આ કમેન્ટ વાંચ્યા બાદ વીડિયો શેર કરનારા ફોટોગ્રાફરએ ફેનને સમગ્ર વીડિયો વિશે પૂછ્યું. તો ફેને કહ્યું કે, આ સેલેબ્સના ચહેરા તરફ જુઓ તેમણે મારી સાથે ખરાબ વર્તન કર્યું છે. મારી પાસે એટલો સમય નહોતો કે હું આખો વીડિયો બનાવી શકું.

જાણકારી મુજબ આ મહિલા ફેને પોતાના ઈન્સ્ટાગ્રામ એકાઉન્ટના સ્ટોરી ઓપ્શનમાં આ વીડિયો શેર કર્યો હતો. સાથે જ કેપ્શન આપ્યું હતું. કેપ્શનમાં પોતાની સાથે થયેલી ઘટનાનું વર્ણન કરતા ફેને કપલની હરકત વિશે પણ જણાવ્યું. ફેને પોતની સ્ટોરીમાં લખ્યું, તે લોકો ખૂબ જ ગુસ્સામાં આવ્યા, ખૂબ જ અસભ્ય લોકો. આ ખબર સામે આવ્યા બાદ લોકોએ જૈનમને સપોર્ટ કર્યો. તો કેટલાક લોકોએ ઘટનાનો ખોટી માનીને દીપિકા-રણવીરની લાઈફથી દૂર રહેવા માટેનું સૂચન આપ્યું.