Gujarati News

Gujarati News

News of Wednesday, 3rd March 2021

આમિર ખાને મહત્વાકાંક્ષી વેબ સિરીઝ 'મહાભારત' બનાવવાનું માંડી વાળ્યું

તાંડવ સિરીઝનો ઉભો થયેલો વિવાદ કારણભુત હોવાની ચર્ચાઃ જો કે આમિરે સ્પષ્ટ કારણ જાહેર ન કર્યુઃ હાલમાં આમિર ફિલ્મ લાલસિંહ ચઢ્ઢાના કામમાં સતત વ્યસ્ત

મુંબઇઃ અભિનેતા આમિર ખાન ફિલ્મ લાલસિંહ ચઢ્ઢાને લઇને ચર્ચામાં છે. દરમિયાન આમિરે પોતાના મહત્વાકાંક્ષી પ્રોજેકટ એટલે કે 'મહાભારત' પર બનનારી વેબ સિરીઝ બનાવવાનું માંડી વાળ્યું છે. આમિર ખાન શા માટે આ સિરીઝ નહિ બનાવે તેનું કોઇ સ્પષ્ટ કારણ સામે આવ્યું નથી. પરંતુ ઇન્ડસ્ટ્રીમાં ચર્ચા છે કે તાંડવ સિરીઝને લઇને જે વિવાદ ઉભો થયો છે અને આ સિરીઝ ઓટીટી પર રજૂ કરનારા એક સિનીયરને સતત હેરાનગતિ થઇ રહી હોઇ તેના કારણે આમિર ખાન અને ઓટીટી પ્લેટફોર્મ દ્વારા હવે મહાભારત પર સિરીઝ નહિ બનાવવાનો નિર્ણય લેવાયો છે.

આમિર ખાનના મહત્વપુર્ણ પ્રોજેકટ પૈકી મહાભારત પરની વેબ સિરીઝ પણ ખુબ ખાસ હતી. તેણે આ માટે અનેક તૈયારીઓ કરી લીધી હતી. પોતે તેમાં શ્રીકૃષ્ણનો રોલ નિભાવવાનો હતો. આમિરે મહાભારત વિશેની અનેક વખત અગાઉ થયેલી વાતચીતમાં પોતાનું પ્રિય પાત્ર કર્ણ હોવાનું અવાર-નવાર કહ્યું હતું. આમિરની મહાભારતમાં દિપીકાને દ્રોૈપદીનો રોલ અપાશે તેવી પણ ચર્ચા હતી.

(3:47 pm IST)
  • સ્પેનિશ બોક્સિંગ ટુર્નામેન્ટમાં મેરીકોમ અને અમિત પંઘાલ સહીત 12 ભારતીયો ક્વાર્ટર ફાઇનલમાં પહોંચ્યા : આ ટુર્નામેન્ટમાં ભારતના ટોકિયો ઓલમ્પિક કોટા હાંસલ કરનારા તમામ 9 બોક્સર ઉપરાંત પાંચ અન્ય મુક્કેબાજ પણ ભાગ લઇ રહ્યા છે access_time 12:44 am IST

  • યુરોપિયન યુનિયન દ્વારા હવે ડિજિટલ વેક્સિન પાસપોર્ટ આવશે: યુરોપીયન દેશોમાં મુસાફરી કરનારાઓ માટે યુરોપીય યુનિયન "ડિજિટલ વેકસીન પાસપોર્ટ" માટે પ્લાન કરી રહ્યાનુ ન્યુઝ ફર્સ્ટ જણાવે છે access_time 10:30 pm IST

  • રાષ્ટ્રપતિ શ્રી રામનાથ કોવિંદે કોરોના વેકસીનનો પ્રથમ ડોઝ લીધો : દિલ્હી સ્થિત રીસર્ચ એન્ડ રેફરલ હોસ્પિટલમાં કોરોના વેકસીન લીધી : લોકોને ગભરાયા વગર વેકસીન લેવા અપીલ કરી : રાષ્ટ્રપતિ કોવિંદે દેશમાં સૌથી મોટુ ટીકાકરણ અભિયાનને સફળતાપૂર્વક પાર પાડવા બદલ ડોકટરો, નર્સો, સ્વાસ્થ્ય કર્મીઓ, પ્રશાસકો વગેરેનો આભાર વ્યકત કર્યો : કપિલ દેવે પણ કોરોના વેકસીન લીધી : કોરોના વેકસીનના બીજા તબક્કામાં પૂર્વ ક્રિકેટર અને ૧૯૮૩ના ક્રિકેટ વર્લ્ડકપ વિજેતાએ ખાનગી હોસ્પિટલ ફોર્ટીસ ખાતે આજે વેકસીન લીધી હતી access_time 5:08 pm IST