Gujarati News

મુંબઈ: દિગ્દર્શક રોહિત શેટ્ટી પોતાનો એક પ્રોજેક્ટ પૂરો કરે એ પહેલા જ બીજી ફિલ્મની પ્લાનિંગ શરૂ કરી દે છે. તેણે રણવીર સિંહની 'સિમ્બા' પુરી કર્યા બાદ તરત જઅક્ષયકુમાર સાથેની 'સૂર્યવંશી' શરૂ કરી દીધી હતી અને હજી આ ફિલ્મનું શૂટિંગ પુરું થાય એ પહેલાં જ આગામી ફિલ્મની ઘોષણાની વાત આવી છે. તાજા રિપોર્ટની વાતમાનીએ તો, રોહિતે હાલમાં જ સાઉથની સુપરહિટ ફિલ્મ 'ગીતા ગોવિંદમ'ના હક્ક ખરીદ્યા છે. રોહિત આ ફિલ્મનું નિર્માણ કરવાનું જ વિચારી રહ્યો છે. આ ફિલ્મના દિગ્દર્શનની જવાબદારી તે અન્ય દિગ્દર્શકને આપવા માંગે છે. જોકે જરૂર પડશે તો આ ફિલ્મને તે ડિરેકટ પણ કરશે.સાઉથની આ ફિલ્મને ફક્ત રૂપિયા પાંચ કરોડના બજેટમાં બનાવામાં આવી હતી. જ્યારે બોક્સ ઓફિસ પર આ ફિલ્મે રૂપિયા ૧૩૨ કરોડની કમાણી કરી હતી. આ ફિલ્મની સ્ટાર કાસ્ટ પર હજી કોઇ વિચાર કરવામાં આવ્યો નથી. જોકે એમ મનાઇ રહ્યું છે કે,રોહિત આ વખતે કોઇ નવા અભિનેતા સાથે ફિલ્મ બનાવશે.