Gujarati News

મુંબઈઃ કોમેડિયન કપિલ શર્માએ અપમાનજનક લખવા અને ચરિત્ર હનન કરવા બદલ પત્રકાર વિકી લાલવાની વિરુદ્ધ લિગલ નોટિસ મોકલી છે. કપિલે નોટિસ મળ્યાના સાત દિવસની અંદર કોઇપણ શર્ત વગર જાહેરમાં માફી માંગવા કે પછી 100 કરોડ ચૂકવવાની માંગ કરી છે. 

   કપિલે વિકીના પબ્લિકેશનને એવો પણ આગ્રહ કર્યો છે કે તેની વિરુદ્ધ લખેલા નિવેદન, સમાચારો અને ઈન્ટરવ્યૂને રોકવામાં આવે અને જેટલા પણ આર્ટિકલ લખવામાં આવ્યા છે તેને પરત ખેંચવામાં આવે. 

   કપિલના વકીલ તનવીર નિજામે લીગલ નોટિસ મોકલવાની વાતને સ્વીકારી છે. તેમણે એક ન્યૂઝ એજન્સીને જણાવ્યું કે, મારા ગ્રાહકને બદનામ કરવા માટે તેની વિરુદ્ધ લાલવાનીએ જાણી જોઈને લખેલા આર્ટિકલને જોતા તેને નોટિસ ફટકારી છે. આ સાથે સાત દિવસની અંદર જાહેરમાં માફી માંગવાની વાત કરી છે. આમ નહીં થાય તો અમે તેની વિરુદ્ધ કાયદેસરની વાર્યવાહી કરશું. 

  અત્રે ઉલ્લેખનીય છે કે  આ વિવાદ ગત મહિને તે સમયે થયો જ્યારે એક એવી ઓડિયો કોલ જાહેર થયો જેમાં કપિલ શર્મા આપત્તિજનક ભાષાનો પ્રયોગ કરતો સંભળાય છે.