Gujarati News

અજય દેવગણ ટીવી પરદે યોગ ગુરૂ બાબા રામદેવના જીવન પરનો શો લાવી રહ્યો છે. આ શોનું નામ સ્વામી રામદેવ એક સંઘર્ષ એવું રખાયું છે. શોમાં રામદેવના બાળપણની ભુમિકા નમન જૈન નામના બાળ કલાકારને મળી છે. જ્યારે રામદેવ બાબાની ભૂમિકા ક્રાંતિ પ્રકાશ ઝા ભજવશે. ક્રાંતિએ આ પહેલા મહેન્દ્રસિંહ ધોનીના જીવન પરની ફિલ્મ એમએસ ધોનીમાં તેના દોસ્તનો રોલ નિભાવ્યો હતો. ક્રાંતિએ રામલીલા, ટાગોર કી કહાનીયા સહિતની ફિલ્મો કરી છે. અજયએ કહ્યું હતું કે મારે આ શો માટે ફ્રેશ ચહેરાની જરૂર હતી. જે ક્રાંતિના રૂપમાં મળ્યો છે. તેનો ચહેરો બાબા રામદેવ જેવો જ લાગે છે. મને વિશ્વાસ છે કે તે ખુબ સારુ કામ કરશે. શોનું પ્રસારણ ડિસ્કવરી ચેનલ પર થશે. ક્રાંતિને આ રોલ એમ જ નથી મળ્યો. ખુદ બાબા રામદેવે તેની અગ્નિપરિક્ષા લીધી હતી. અસલી જિંદગીમાં પણ ક્રાંતિ યોગ સાથે જોડાયેલો છે. તેની બે જુદી-જુદી પરિક્ષા લેવાઇ હતી.