Gujarati News

જ્હાન્વી કપૂરે ધડક ફિલ્મથી બોલીવૂડમાં એન્ટ્રી કરી લીધા પછી તેને કરણ જોહરની બીજી મોટી ફિલ્મ પણ મળી ચુકી છે. ઐતિહાસિક વિષય પરની આ ફિલ્મ 'તખ્ત'માં અનેક મોટા સ્ટાર છે. હવે જ્હાન્વીને ત્રીજી ફિલ્મ પણ મળી ગઇ છે. આ ફિલ્મનું નિર્માણ કરણ જોહર જ કરશે. જ્યારે નિર્દેશનનું કામ કરણે શશાંકને સોંપ્યું છે. ફિલ્મની કહાનીનું કામ ચાલી રહ્યું છે. જ્હાન્વી સાથે આ ફિલ્મમાં વરૂણ ધવનને લેવાનું નક્કી થયું છે. વરૂણે અત્યાર સુધીની જે ફિલ્મો કરી છે તેમાંથી એકાદ-બે બાદ કરતાં તમામ હિટ સાબિત થઇ છે. કરણ અને શશાંકની આ ફિલ્મની સ્ક્રિપ્ટનું કામ પુરૂ થયે વાત આગળ વધશે. જ્હાન્વી એકશન કરતી પણ જોવા મળશે. તખ્તમાં રણવીર સિંહ, આલિયા ભટ્ટ, અનિલ કપૂર, ભૂમિ પેડનેકર, વિક્કી કોૈશલ, માધુરી દિક્ષીત જેવા કલાકારો છે.