Gujarati News

Gujarati News

News of Friday, 1st June 2018

ફિલ્મ એક વિલનની સિક્વલની સ્ક્રીપ્ટ ફાઇનલ થઇ

મુંબઇસિદ્ધાર્થ મલ્હોત્રા અને શ્રદ્ધા કપૂરને ચમકાવતી ફિલ્મ એક વિલનની સિક્વલની સ્ક્રીપ્ટ હાલ ફાઇનલ થઇ રહી હોવાની જાહેરાત એના સર્જક મોહિત સૂરીએ કરી હતી.

એકતા કપૂરે ફિલ્મની સિક્વલ બનાવવાનો નિર્ણય કરીને મોહિત સૂરીને એના ડાયરેક્ટર તરીકે સાઇન કર્યા હતા. હાલ મોહિત સ્ક્રીપ્ટ રાઇટર તુષાર હીરાનંદાની સાથે બેસીને સ્ક્રીપ્ટને અંતિમ સ્વરૃપ આપી રહ્યા છે એમ એમની નિકટનાં સૂત્રેાએ કહ્યું હતું. સૂત્રોએ વધુમાં કહ્યું કે મૂળ ફિલ્મનો હીરો સિદ્ધાર્થ રિપિટ થાય એવી શક્યતા છે. હજુ જો કે સ્ક્રીપ્ટ ફાઇનલ નથી થઇ એટલે હાલ સ્ટારકાસ્ટની વાત કરવાનો કશો અર્થ નથી. સૂત્રોએ કહ્યું કે એકતાના બેનરની સૌથી સફળ ફિલ્મ હોવાથી ફ્રેન્ચાઇઝને આગળ વધારવાની એકતાની ઇચ્છા છે. મિલાપ ઝવેરીની કથા પરથી તુષાર હીરાનંદાનીએ સ્ક્રીપ્ટ તૈયાર કરી હતી. હાલ મિલાપ ડાયરેક્ટર તરીકેની એની પહેલી ફિલ્મ સત્યમેવ જયતેમાં બીઝી હોવાથી એને બદલે મોહિત, સિદ્ધાર્થ અને તુષાર મળીને સ્ક્રીપ્ટ ફાઇનલ કરી રહ્યા હતા. હાલ સિદ્ધાર્થ સિવાય કોઇ કલાકાર નામ ફાઇનલ નથી. જો કે સિદ્ધાર્થને પણ ઐાપચારિક રીતે હજુ સાઇન કરાયો નથી.

(5:27 pm IST)
  • જમ્મુ કાશ્મીરના પુલવામાં સીઆરપીએફના વાહન ઉપર આતંકીઓનો હુમલોઃ કોઈ જાનહાની નથી access_time 4:30 pm IST

  • વનડે રેકિંગમાં નેપાળ,નેધરલેન્ડ,સ્કોટલેન્ડ અને યુએઈનો આઇસીસીએ કર્યો સમાવેશ :જોકે આ ટીમોના રેકિંગમાં સામેલ થવાથી ટોચની 12 ટીમોના રેકિંગમાં કોઈ ફેરફાર થયો નથી :નેધરલેન્ડની ગયા વર્ષે જયારે અન્ય ત્રણ ટીમોને આ વર્ષે વનડે રમવાનો દરજ્જો મળ્યો છે access_time 1:06 am IST

  • સુરતથી ઉપડેલી તાપ્તી ગંગા ટ્રેનમાં ગેસકટરથી બાકોરું પાડીને લાખો રૂપિયાના પાર્સલની ચોરી : સાહગંજ સ્ટેશને ચોરીની જાણ થતા બોગીને સુરત લવાઈ : તપાસ શરૂ : સુરતથી ઉપડેલી તાપ્તી ગંગા ટ્રેનમાં ચોરી ગેસ કટરથી બાકોરું પાડી લાખો રૂપિયાના પાર્સલોની ચોરી થયાનું જાણવા મળે છે ટ્રેન સાહગંજ સ્ટેશને પહોંચતા થઇ ચોરીની જાણ થતા ચોરી થયેલી બોગીને સુરત લવાઈ છે આ સમગ્ર મામલે રેલવે પોલીસ તપાસ હાથ ધરશે access_time 1:11 pm IST