Gujarati News

Gujarati News

News of Saturday, 1st May 2021

અક્ષય કુમારની બેલબોટમ OTT ઉપર થશે રિલીઝ : Hotstar સાથે થયો કરોડોનો કરાર

મનોરંજન ક્ષેત્રને અક્ષય કુમારની બેલબોટમ ઉપર ઘણી અપેક્ષાઓ છે

મુંબઈ,તા.૧: કોરોના મહામારી વચ્ચે OTT પ્લેટફોર્મનું ચલણ વધ્યું છે. નાની વેબ સિરીઝથી લઇ મસમોટી ફિલ્મો અત્યારે OTTપ્લેટફોર્મ ઉપર રિલીઝ થવા લાગી છે. ત્યારે બોલિવૂડ એકટર અક્ષય કુમારની ફિલ્મ બેલબોટમ પણ OTT પ્લેટફોર્મ ઉપર રિલીઝ થવા જઈ રહી છે.

અક્ષયની ફિલ્મ બેલબોટમ રિલીઝ થવાની રાહ ઘણા ચાહકો જોઈ રહ્યા હતા. પરંતુ, કોરોના વાયરસની બીજી લહેરના કારણે મનોરંજન ક્ષેત્રની રફતાર ઉપર લગામ કસાઈ ગઈ છે. અનેક ફિલ્મોની શૂટિંગ બંધ પડી ગયા છે. બીજી તરફ ઘણી ફિલ્મોની રિલીઝ ઉપર સંકટના વાદળો ઘેરાયા છે.

બેલ બોટમ ફિલ્મના પ્રોડ્યુસર જેકી ભગનાનીએ તા.૨૮ મેના રોજ ફિલ્મને થિયેટરમાં રિલીઝ કરવાની જાહેરાત કરી હતી. પરંતુ વર્તમાન સંજોગોના કારણે બેલબોટમ હવે OTTઉપર રિલીઝ કરવામાં આવશે.

નોંધનીય છે કે, મનોરંજન ક્ષેત્રને અક્ષય કુમારની બેલબોટમ ઉપર ઘણી અપેક્ષાઓ છે. ૨૦૨૧ની મોટી ફિલ્મોની યાદીમાં બેલબોટમનો સમાવેશ થાય છે. નિર્માતાઓ હવે દર્શકોને વધુ રાહ જોડાવા માંગતા નથી. પરિણામે ફિલ્મને OTT પ્લેટફોર્મ ઉપર રિલીઝ કરવામાં આવશે. મીડિયા અહેવાલો મુજબ ફિલ્મને hotstar ઉપર રિલીઝ કરવા માટેની ડિલ લગભગ ફાઇનલ છે.

ઉલ્લેખનીય છે કે, ફિલ્મ કઈ તારીખે રિલીઝ થશે તે અંગે જાણકારી અપાઈ નથી. hotstar પહેલા amazon prime સાથે ફિલ્મની રિલીઝને લઈને વાટાઘાટો થઈ હતી. દરમિયાન hotstarહ્ય્ વધુ પૈસા ઓફર કરતા હવે આ ફિલ્મ તેને મળી છે.

અલબત્ત્।, આ ડીલ કેટલા રૂપિયામાં થઈ તે અંગે હજુ ફોડ પાડવામાં આવ્યો નથી. આ ફિલ્મ પ્લેન હાઇજેક થવાની વાર્તા ઉપરથી બનેલી છે. જેમાં અક્ષય કુમાર સાથે વાણી કપૂર, લારા દત્ત્।ા, હુમા કુરેશી અને આદિલ હુસૈન જોવા મળશે.

સામાન્ય રીતે OTT પ્લેટફોર્મ ઉપર મોટા સ્ટારની ફિલ્મ રિલીઝ કરવાની બાબતને ખોટનો સોદો માનવામાં આવે છે. નિર્માતાની મરજી મુજબ પૈસા મળતા નથી. આ કારણે જ અક્ષય કુમારની મોટા બજેટવાળી સૂર્યવંશી એક સાલથી વધુ સમયથી રિલીઝની વાટ જોઈ રહી છે. આ ફિલ્મ ૧૦૦ કરોડથી વધુ બજેટ ધરાવે છે.

(10:34 am IST)
  • ભારતે કોરોના ક્ષેત્રે ફરી વિશ્વ વિક્રમ નોંધાવ્યો: ૨૪ કલાકમાં ૪ લાખ ઉપર નવા કોરોના કેસ: ૩૫૨૩ના મોત: ચારેકોર હાહાકાર વિશ્વના અન્ય દેશોમાં પણ કોરોનાઆતંક યથાવત ચાલુ છે: બ્રાઝિલમાં ૭૩ હજાર: અમેરિકામાં ૫૭ હજાર: ફ્રાન્સમાં ૨૪ હજાર: ઇટલીમાં ૧૩ હજાર: જર્મનીમાં ૧૨ હજાર નવા કોરોના કેસ છેલ્લા ૨૪ કલાકમાં નોંધાયા છે: ઇંગ્લેન્ડમાં ૨૩૮૧ કેસ: યુનાઇટેડ આરબ અમીરાતમાં ૧૯૭૪ કોરોના કેસ: સાઉદી અરેબિયામાં ૧ હજાર: ઓસ્ટ્રેલિયા ૨૨, ચીન ૧૩ અને હોંગકોંગમાં ૪ કેસ નવા કોવિડ-૧૯ કેસ છેલ્લા ૨૪ કલાકમાં નોંધાયા છે ( ન્યૂઝફર્સ્ટ ) access_time 10:25 am IST

  • હૈદ્રાબાદના કેપ્ટનપદેથી વોર્નરની હકાલપટ્ટી : વિલિયમ્સન બન્યો નવો કેપ્ટન : આઈપીઍલમાં ડેવિડ વોર્નરની આગેવાની હેઠળ હૈદ્રાબાદની ટીમના સતત નબળા પ્રદર્શનને લીધે તેને કેપ્ટનપદેથી હટાવી વિલિયમ્સનને કેપ્ટન બનાવાયો છે. access_time 4:37 pm IST

  • આજે પણ રાજકોટ શહેર - જિલ્લામાં કોરોના નો આતંક યથાવત : આજે સાંજ સુધીમાં રાજકોટ શહેરમાં 605 અને ગ્રામ્યના 95 કેસ સાથે કુલ 700 નવા કોરોના ના કેસ નોંધાયા access_time 7:43 pm IST