Gujarati News

અક્ષય કુમાર, અજય દેવગણ, આલિયા ભટ્ટ પછી હવે શાહરૂખ ખાન પણ તમિલ ફિલ્મ ઇન્ડસ્ટ્રી સાથે જોડાશે. કિંગ ખાને આ માટે તૈયારી કરી છે. તમિલ સ્ટાર થાલાપથી વિજયની આગામી ફિલ્મમાં શાહરૂખ પણ જોવા મળશે. આ ફિલ્મના નિર્દેશક એટીલી છે અને ૨૦૧૯ના દિવાળી તહેવાર પર ફિલ્મ રિલીઝ થશે. 'થાલાપથી-૬૩'ના નામથી આ ફિલ્મ બની રહી છે. જેમાં મુખ્ય હિરોઇન નયનતારા છે. શાહરૂખ મુખ્ય રોલમાં નહિ પણ ગેસ્ટ રોલમાં જોવા મળશે. જો કે આ રોલ ફિલ્મ માટે ખુબ જ મહત્વનો હશે. આ અગાઉ શાહરૂખ ખાન તમિલ ફિલ્મ હે રામમાં પણ જોવા મળ્યો હતો. જેમાં કમલ હસનની મુખ્ય ભૂમિકા હતી. થાલપથી-૬૩માં જૈકી શ્રોફને નેગેટિવ રોલ મળ્યો છે. શાહરૂખ તમિલ ફિલ્મમાં એન્ટ્રી લેશે તો તેના ચાહકો ઉત્સાહિત થશે. શાહરૂખ હાલમાં બોલીવૂડની એકપણ ફિલ્મ સાથે જોડાયેલો નથી.