Gujarati News

Gujarati News

News of Saturday, 20th February 2021

કાલે અધ્યાપક-અભિનેતા-વકતા-સ્ક્રીપ્ટ રાઇટર ડો.સંજય કામદારનો જન્મદિન

રાજકોટ તા. ર૦ : શ્રીમતી કે.એસ.એન. કણસાગરા મહિલા કોલેજ, રાજકોટના ગુજરાતીના અધ્યાપક ડો. સંજય ધર્મેન્દ્રકુમાર કામદારનો કાલે જન્મદિન છે. તેનો પ૬માં વર્ષમાં પ્રવેશ થશે.

તેઓ 'પ્રાઇડ ઓફ ન્યુ જનરેશન' અને 'આઉટ સ્ટેન્ડીંગ યંગ પર્સન' એમ બે પુરસ્કાર એવોડર્સથી બહુમાનિત તેમજ પી.એચ. ડી.બેચલર ઓફ જર્નાલીઝમ એન્ડ માસ કમ્યુનિકેશન જેવી ઉચ્ચ શૈક્ષણીક પદવી ધરાવે છે.

સોંગ એન્ડ  ડ્રામા ડીવીઝન, ઇન્ફોર્મેશન એન્ડ બ્રોડકાસ્ટીંગ મિનિસ્ટ્રી , ન્યુ દિલ્હી, ભારત સરકાર તરફથી ત્રણ વખત 'વરિષ્ઠ કલાકાર' શ્રેણી પ્રાપ્ત  આ અભિનેતાએ  અનેક લાઇટ એન્ડ સાઉન્ડ શો (કેન્દ્ર સરકાર), 'ધન્ય ધરા સૌરાષ્ટ્રની' સહિતના અનેક 'વાઇબ્રાન્ટ ગુજરાત' શો (ગુજરાત રાજય સરકાર), ફિલ્મ 'વીર હમીરજી-સોમનાથની સખાતે' (મહમદ, બેગડો-મુખ્ય ખલનાયક), સહિત પાંચ ફિલ્મો, ૮૦ થી વધુ ટેલી ફિલ્મો (એકટીંગ એન્ડ ડબીંગ) સાવધાન ઇન્ડીયા, મેરી કહાની (દિલ્હી દૂરદરર્શન), અમરકથાઓ (અમદાવાદ દૂરદર્શન), જયસ્વામીનારાયણ (સબ ટીવી-હિન્દી), નરસિંહ મહેતા (ઇ-ટી.વી-કલર્સ ગુજરાતી), સપનું એક સવાયુ (રાજકોટ દૂરદર્શન) જેવી સિરીયલ્સમાં અભિનય કરવા ઉપરાંત મુળભુત રીતે રંગમંચ અને તખ્તાના કલાકાર તરીકે ઇ.સ.૧૯૮૧ થી અભિનય આપ્યો છે.

વિવિધ રંગી ભૂમિકાઓ ભજવી ઉત્તમ અદાકારી અને ઉત્તમ અભિનય ક્ષમતાનો પરિચય આપી નવી પેઢીમાં એક સશકત અભિનેતા તરીકે પ્રતિષ્ઠત થયા છે.  પુર્વ વડાપ્રધાન સ્વ. શ્રી અટલ બિહારી વાજપાઇના એક અને વડાપ્રધાન નરેન્દ્રભાઇ મોદી ગુજરાતના મુખ્યમંત્રીશ્રી હતા ત્યારેતેમના ૧૭ કાર્યક્રમો સહિત વર્તમાન અને પૂર્વ મુખ્યમંત્રીશ્રીઓના કુલ ૩૩ કાર્યક્રમોમાં ઉદ્દઘોષક-કાર્યક્રમ સંચાલક તરીકે સેવા આપનાર સંજય કામદારે એન્કર તરીકે તેમજ છેલ્લા સાડા ત્રણ દાયકાથી આકાશવાણી (રેડીયો નાટક-ઉદ્દઘોષણા) અને દૂરદર્શનના કલાકાર તરીકે 'આવાઝી' પ્રતિભાનો પરિચય આપ્યો છે. લગભગ બે દાયકા જેટલા સમયથી ન્યુઝ રીડર તરીકે લોકપ્રિય રહ્યા છે.(મો. ૯૮ર૪૪ પ૩૮૬પ)

(3:23 pm IST)
  • દેશમાં કોરોનાના સતત વધતા કેસ :રાત્રે 11 વાગ્યા સુધીમાં કોરોનાના નવા 16,886 કેસ નોંધાયા :કુલ કેસની સંખ્યા 1,10,46,432 થઇ :એક્ટિવ કેસ 1,48,691 થયા: વધુ 11,976 દર્દીઓ સ્વસ્થ થતા કુલ 1,07,36,432 થયા :વધુ 141 લોકોના મોત સાથે કુલ મૃત્યુઆંક 1,56, 742 થયા access_time 1:09 am IST

  • ત્રંબામાં સાંજે પ્રથમવાર મુખ્યમંત્રીની જાહેરસભા : મુખ્યમંત્રી શ્રી વિજયભાઈ રૂપાણી આજે સાંજે રાજકોટ શહેર-જિલ્લાની મુલાકાતે છે. તેઓ આજે સાંજે ૭ વાગ્યે ત્રંબા કસ્તુરબાધામ ત્રંબા ખાતે ભાજપનો પ્રચાર કરશે. ગામમાં મુખ્યમંત્રીની ચૂંટણી સભા પ્રથમ વખત યોજાઈ રહી છે. જિલ્લા પંચાયતની ત્રંબા બેઠક પર ભાજપના ઉમેદવાર તરીકે ભૂપત બોદર ચૂંટણી લડી રહ્યા છે. access_time 4:13 pm IST

  • સ્પાઈસ જેટ એરલાઈન્સ આગામી ૭ માર્ચથી રાજકોટ – મુબઇ વચ્ચે ડેઈલી ફલાઈટ શરૂ થશે : રાજકોટથી બોમ્બે અને દિલ્હી વચ્ચે ફલાઈટ ઉડાડતી સ્પાઈસ જેટ એરલાઈન્સ ૭ માર્ચથી રાજકોટ - મુબઈ વચ્ચે બીજી ડેઈલી ફલાઈટ શરૂ કરશે : ફલાઈટનો સમય સાંજે ૭:૧૦ મીનીટે આવશે સાંજે ૭:૪૦ રવાના થશે access_time 6:02 pm IST