Gujarati News

રાજકોટઃ ભાજપનાં પાયાનાં પથ્થર એવા સ્વ. ચીમનભાઇ શુકલનાં પુત્ર કશ્યપભાઇનો આજે  જન્મદિવસ છે. તા.૫ ફેબ્રુઆરી ૧૯૬૩નાં મુંબઇમાં જન્મ થયો હતો. તેઓએ યશસ્વી જીવનનાં ૫૮માં મંગલ વર્ષમાં પ્રવેશ કર્યો છે.તેઓનો બી.કોમ, એલ.એલ.બી સુધીનો અભ્યાસ કર્યો છે. પિતાના પગલે પગલે  ૧૯૯૩થી સક્રિય રાજકારણમાં કાર્યરત છે અને ભાજપ સંગઠનમાં પણ શહેરનાં મહામંત્રી સહીતનાં મહત્વનાં હોદ્દા પર જવાબદારી સંભાળી ચૂકયા છે. સૌ પ્રથમ વખત વર્ષ ૨૦૦૫માં મ્યુ.કોર્પોરેશનની ચૂંટણી લડ્યા હતા. વર્ષ ૨૦૦૫, ૨૦૧૦, ૨૦૧૫ ત્રણ ટર્મથીકોર્પોરેટર તરીકે લોકોની ફરજ બજાવે છે. તેઓએ રૂડાનાં ચેરમેન તથા મ્યુ.કોર્પોરેશનની સ્ટેન્ડિગ કમિટિનાં ચેરમેન તરીકે સફળ કામગીરી કરીને શહેરનાં વિકાસમાં યશસ્વી ફાળો આપ્યો છે. હાલમાં સ્ટેન્ડિગ કમિટિમાં સભ્ય તરીકે સીનીયર કોર્પોરેટર તરીકેનાં અનુભવ થકી સતત માર્ગદર્શન આપી રહ્યા છે. આ ઉપરાંત તેઓ ક્રિકેટ, ઘોડેસવારીં  સહિતની રમતનો શોખ ધરાવે છે. આજે કશ્યપભાઇનાં જન્મદિવસે આગેવાનો, શુભેચ્છકો, મિત્રો, પરિવારજનો દ્વારા (મો.નં. ૯૮૨૪૩ ૦૦૯૯૯) ઉપર શુભેચ્છા વર્ષા વરસી રહી છે.