Gujarati News

રાજકોટઃ સૌરાષ્ટ્રની સૌથી જુની અને અગ્રગણ્ય એડવર્ટાઈઝીંગ એજન્સી 'સેલ સર્વિસ સીન્ડીકેટ'ના દીપકભાઈ શાહ (કોર કમીટી મેમ્બર- રાજકોટ એડવર્ટાઈઝીંગ સર્કલ) આજે સફળ જીવનના ૫૭ વર્ષ પૂર્ણ કરી ૫૮માં પ્રવેશ કરે છે. તેમના સ્વ.પિતાશ્રી સુમતિચંદ્ર પી.શાહ (મૂર્ધન્ય પત્રકાર અને મદદનીશ તંત્રી- ફુલછાબ) દ્વારા સ્થપાયેલ એડ.એજન્સીનું તેઓ છેલ્લા ૪૦ વર્ષથી સુદૃઢ સંચાલન કરે છે.

સ્વ.સુમતિભાઈના સિધ્ધાંતો અને આદર્શોની કેડીએ જ ચાલવાની તેમણે નેમ રાખી છે. પિતાશ્રીની જેમ જ આજે પણ તેઓ કદી માર્કેટીંગ કે હરીફાઈ કરતા નથી.

પોતાનો નહીં પરંતુ ગ્રાહકોનો બિઝનેસ વધેએ પ્રકારનું જ સચોટકિફાયતી મીડીયા પ્લાનીંગ, સર્વશ્રેષ્ઠ માર્ગદર્શન, પર્સનલાઈઝડ્ સર્વિસ અને ગ્રાહકોનું હીત હૈયે રાખવુંએ જ એમની એડ.એજન્સીને અન્યો કરતાં અલગ ઓળખ આપે છે. દીપકભાઈને મિત્રો શુભેચ્છકો અને પરિવાર દ્વારા મો.૯૮૨૫૨ ૧૮૪૨૨ ઉપર જન્મદિનની શુભેચ્છાઓ વરસી રહી છે.(૩૦.૭)