Gujarati News

રાજકોટ : મ્યુનિ. શહેરના વોર્ડ નં.૧૨માં કોંગ્રેસના કોર્પોરેટર વિજયભાઇ બાબુભાઇ વાંકનો જન્માષ્ટમીના દિવસે જન્મદિવસ છે અને તેઓ મૂળ વતન નાગાજળ તા. કાલાવડ હાલારના વતની અને હાલ ૪૬ વર્ષથી રાજકોટને જેણે કર્મભુમી બનાવી છે એવા જમીન-મકાન વ્યવસાય સાથે સંકળાયેલા અને મવડી નગર પંચાયતના પુર્વપ્રમુખ બાબુભાઇ વાંકના સુપુત્ર વિજયભાઇને વારસામાં સમાજસેવા તેમજ રાજકારણ મળેલ  છે વિજયભાઇ વાંક ગુજરાત આહીર સમાજના યુવા પ્રમુખ તેમજ રાજકોટ મહાનગરપાલિકાના પુર્વ-સ્ટેન્ડીંગ કમીટીના સદસ્ય તેમજ વોર્ડ નં.૧૨ના કોર્પોરેટર હાલ છે. તેઓએ યશસ્વી જીવનના ૩૭માં મંગલ વર્ષમાં પ્રવેશ કર્યો છે.

વિજયભાઇ હાલ મવડીમાં જન્માષ્ટમી ઉત્સવ ભવ્યરીતે કોઇપણ જાતના ફંડ-ફાળો વગર યોજવામાં આવે છે તેમજ મવડી વિશ્વેશ્વર મહાદેવ મંદિરમાં દર વર્ષે સર્વજ્ઞાતિનો સમુહલગ્ન યોજવામાં આવે છે અત્યાર સુધી કુલ ૫૪૦ દીકરીઓને પ્રભુતામાં પગલા માંડયા છે પરમ કૃપાળુ પરમાત્મા કાના ગોપાલના આશીર્વાદ તથા આ પરિવાર પાસે ૨૦૦ થી પણ વધારે ગોૈમાતા રાખવામાં આવી છે તેમજ બ્લડ ડોનેશન કેમ્પ, ડાયાબીટીસ કેમ્પ તેમજ આહીર વીર સપૂત શ્રી દેવાયત બાપા બોદર સમિતિના ઉપપ્રમુખ પણ છે તથા માતુશ્રી રામબાઇમાં આહીર કન્યા છાત્રાલયના ટ્રસ્ટી વગેરે સામાજિક સેવાકીય ક્ષેત્રે આદાનપ્રદાન રહયું છે. મવડીમાં કોઇપણ જરૂરીયાતમંદ પરિવારો પોતાની દીકરીના લગ્નપ્રસંગ ઘરે કરવાના હોય તો વિજયભાઇ હાલ પોતાની ઉંમર વર્ષ ૩૭ મું બેઠું છે ત્યારે પોતાના દ્વારા જરૂરીયાતમંદ પરિવારની ૩૭ વસ્તુનુ કન્યાદાન એક સોનાનો દાણો તેમજ ૩૬ સ્ટીલની વસ્તુઓનું કન્યાદાન આખું વર્ષ આપી પોતાના જન્મદિવસને સાર્થક કરશે. તેઓના જન્મદિવસે આગેવાનો, મિત્રો, શુભેચ્છકો દ્વારા (મો. ૯૮૨૪૫ ૮૦૯૮૦) પર શુભેચ્છા વરસી રહી છે.(૧.૨૦)