Gujarati News

Gujarati News

News of Saturday, 12th January 2019

સફળતાના ખોલ્યા સદાય તાળાં, ૮રમાં પ્રવેશતા વજુભાઇ વાળા

રાજકોટ : કર્ણાટકના રાજ્યપાલ જેવી મોભાદાર જગ્યા પર રહેલા શ્રી વજુભાઇ આર. વાળાનો જન્મ તા. ૧૨ જાન્યુઆરી ૧૯૩૮ના દિવસે થયેલ. આજે યશસ્વી જીવનના ૮૨માં વર્ષનાં પંથે પ્રયાણ કર્યુ છે.

 

રાજકોટવાળા શ્રી વજુભાઇ વાળાનું જાહેર જીવન 'કમળ' સંગે ગુલાબની જેમ મહેકી રહયું છે. રાજકોટ પશ્ચિમ બેઠક પરથી ૭ વખત ધારાસભ્ય તરીકે ચૂંટાવાનો અને ગુજરાતમાં નાણામંત્રી તરીકે ૧૮થી વધુ વખત બજેટ રજુ કરવાનો વિક્રમ તેમના નામે છે. અગાઉ રાજકોટના મેયર હતા ત્યારે 'પાણીવાળા' મેયર તરીકે લોકપ્રિય બનેલા. રાજ્યમાં નાણા ઉપરાંત સહકાર, મહેસુલ, ઉર્જા, શ્રમરોજગાર, વાહનવ્યહાર વગેરે વિભાગોના મંત્રી તેમજ વિધાનસભાના અધ્યક્ષ તરીકે રહી ચૂકયા છે. બે વખત પ્રદેશ પ્રમુખપદ સંભાળવા કેબીનેટ પ્રધાનપદનો ત્યાગ કરીને તેમણે પાર્ટી નિષ્ઠાનું ઉત્તમ ઉદાહરણ પુરૂ પાડેલ. તેમને વિવિધ નામાંકિત સંસ્થાઓ દ્વારા ગૌરવપૂર્ણ એવોર્ડ મળેલા છે. સામાન્ય માણસ સાથે પણ આત્મીયતા કેળવી શકવાનો તેમનો ગુણ વિશેષ છે. હાજરજવાબીપણું અને રમુજવૃતિ માટે જાણીતા છે. વધે વજુભાઇ વાળાની નામના, એવી જન્મદિનની શુભકામના.(૧.૬)

મો. ૯૮૨૪૦ ૪૩૬૩૨ અને ૯૮૨૪૧ ૧૬૪૧૪ બેંગ્લોર (કર્ણાટક)

(11:45 am IST)
  • 'અંગુઠા છાપ ''નિવેદન પર પોતાના ઘરમાં જ ઘેરાયા રામવિલાસ પાસવાન ;પુત્રીએ કહ્યું માફી માંગો નહીંતર ધરણા કરીશ ;પાસવાનની પુત્રી આશાએ ચેતવણી આપી છે કે જો તેના પિતા આના માટે માફી નહિ માંગે તો પટના સ્થિત લોજપાના પ્રદેશ મુખ્યાલય સામે ધરણા પર બેસશે access_time 12:54 am IST

  • અમદાવાદ બાવળા રોડ પર ફાયરીંગમાં બે વ્‍યકિતના મોત જમીન પ્રશ્‍ન થયું ફાયરીંગ : બંનેના મૃતદેહ હોસ્‍પિટલમાં ખસેડાયા : ઘટના સ્‍થળે પોલીસ દોડી ગઇ : તપાસનો ધમધમાટ access_time 3:32 pm IST

  • છોટાઉદેપુર : મધ્યપ્રદેશમાં કથિત આંતર રાજય બાળ તસ્કરીનો કેસ :પોલીસે વધુ એક બાળક ઉગારી પાલક પિતાની ધરપકડ કરી :આરોપી શૈલુ રાઠોડે રૂ.૧ લાખમાં વેચ્યું હતું ચાર માસનું બાળક :રિકવર કરેલા કુલ બાળકોની સંખ્યા ૧૪ પર પહોંચી :બાળ તસ્કરી કેસમાં આરોપીઓની સંખ્યા ૨૪ પહોંચી access_time 10:49 pm IST