Gujarati News

Gujarati News

News of Monday, 7th January 2019

નાટયકાર, કલાસર્જક તથા પ્રદેશ કોંગ્રેસના સાંસ્કૃતિક મહામંત્રી- અઝીઝ ઈબ્રાહીમનો જન્મદિવસ

રાજકોટઃ શહેરની રંગમંચલક્ષી પ્રવૃતિ સાથે સંકળાયેલ નાટયકાર, લેખક- દિગ્દર્શક તથા ગુજરાત પ્રદેશ કોંગ્રેસ સાંસ્કૃતિક વિભાગના મહામંત્રી, સૌરાષ્ટ્ર- કચ્છના ઈન્ચાર્જ અઝીઝ ઈબ્રાહીમનો આજે તા.૭ને સોમવારના રોજ જન્મદિવસ છે.

છેલ્લા ચાર દાયકાથી નાટયક્ષેત્ર, ટી.વી.માધ્યમ તથા આકાશવાણી, રંગમંચ ઉપર સફળ કૃતિઓનું સર્જન કરીને અત્યંત લોકપ્રિયતા હાંસલ કરેલ છે. ગુજરાત રાજય નાટય સ્પર્ધામાં વડોદરા ખાતે જવલંત સફળતા સાથે, ગુજરાત કક્ષાનું પ્રથમ પારિતોષીક મેળવેલ હતું.

દિલ્હી ખાતે યોજાયેલ ટેલીફિલ્મ સ્પર્ધામાં રાષ્ટ્રીય એવોર્ડ પ્રાપ્ત કરેલ હતો, લગભગ ૫૩ ટેલીફિલ્મનું લેખન- દિગ્દર્શન સંભાળીને નવું પરિમાણ ઉભુ કરેલ હતું. તેમની ટેલીફિલ્મ ધ સેડો તથા ટોરટેકસ અનેકવાર રાષ્ટ્રીય પ્રસારણમાં સ્થાન મેળવેલ હતું.

વર્ષ ૧૯૮૮માં ગુજરાત કક્ષાનો કલામહર્ષી એવોર્ડ તથા 'નાટય ભૂષણ'ની માનદ ઉપાધી અર્પણ કરવામાં આવેલ હતી. તાજેતરમાં તેમના સફળ ફૂલલેન્થ નાટકો 'એક પાનખરનું સમણું વસંત', 'છેલ્લી પાંચ મીનીટ'એ દર્શકોમાં સારી લોકચાહના પ્રાપ્ત કરેલ છે. અઝીઝ ઈબ્રાહીમ રાજકોટ તથા સૌરાષ્ટ્ર- કચ્છના વિભાગીય પ્રવકતા તરીકે સફળ કામગીરી બજાવ્યા બાદ હાલ પ્રદેશ કોંગ્રેસના સાંસ્કૃતિક મહામંત્રી તરીકે સેવાભાર સંભાળી રહેલ છે. (મો.૯૮૨૪૦ ૩૯૧૬૪)(૩૦.૭)

(2:34 pm IST)
  • કાશ્મીરમાં સેનાની મોટી સફળતા : બે આતંકીઓ ઠાર ;દક્ષિણ કાશ્મીરના કુલગામ જિલ્લાના કાટપુરા વિસ્તારમાં આતંકીઓ છૂપાયાંની માહિતી બાદ સુરક્ષાદળોએ સમગ્ર વિસ્તારની ઘેરાબંધી કરી :તલાસી અભિયાન ચલાવ્યું :માર્યા ગયેલા બે આતંકી પૈકી એક જીનત ઉલ ઇસ્લામ ઉપર 15 લાખનું ઇનામ હતું : અને કુખ્યાત આતંકી બુરહાન વાણીનો સાથીદાર હતો access_time 12:49 am IST

  • કર્ણાટકમાં ભાજપનું 'ઓપરેશન લોટ્સ ' કર્નાટકના મંત્રી ડી કે. શિવકુમારે કહ્યું કે રાજ્યની ગઠબંધન (કોંગ્રેસ- જેડીએસ) સરકારને હટાવવા માટે ભાજપનું ‘ઓપરેશન લોટસ’ ચાલી રહ્યું છે.:તેમણે આરોપ લગાવ્યો છે કે કોંગ્રેસના ત્રણ ધારાસભ્ય મુંબઇની એક હોટલમાં ભાજપના કેટલાક નેતાઓ સાથે છે. access_time 1:38 am IST

  • રવિવારે ફરીવાર ઇંધણના ભાવમાં મોટો વધારો :પેટ્રોલના ભાવમાં લિટરે 47 પૈસા અને ડીઝલના ભાવમાં લિટરે 61 પૈસાનો વધારો ઝીક્યો ;છેલ્લા ત્રણ દિવસથી એકધારો ભાવ વધારાથી વાહન ચાલકોને વધતો બોજો :વૈશ્વિક બજારમાં ક્રૂડના વધતા ભાવને પગલે ઘર આંગણે પણ પેટ્રોલ -ડીઝલના ભાવમાં ઝીકાતો વધારો :ડિસેમ્બરમાં રાહત બાદ જાન્યુઆરીમાં ઇંધણના ભાવમાં ઘટાડો અટક્યો access_time 12:45 am IST