Gujarati News

Gujarati News

News of Saturday, 6th July 2019

સહકાર અગ્રણી - શ્રી શિવશકિત મંડળીના હરગોપાલસિંહ જાડેજાનો આજે જન્મદિવસઃ શુભેચ્છાઓનો વરસાદ

રાજકોટ : સંપ, સેવા, સહકાર અને સંયમના સિદ્ધાંતોને વરેલા એવા બાપુના નામથી જાણીતા શ્રી શિવશકિત શરાફી સહકારી મંડળી લી.ના સર્વેસર્વા એવા શ્રી હરગોપાલસિંહ જાડેજાનો આજે મંગલ જન્મદિવસ છે. આજે તેઓ પોતાના યશસ્વી જીવનના ૬૯ વર્ષ પુરા કરી ૭૦માં વર્ષમાં મંગલ પ્રવેશ કરી રહ્યા છે ત્યારે તેમના પર સગા, સંબંધીઓ, મિત્રો, શુભેચ્છકો, સહકારી આગેવાનો, સભાસદો, થાપણદારો સહિતના લોકો દ્વારા અભિનંદન આપવામાં આવી રહ્યા છે. રોમેરોમમાં સહકારની ભાવના અને સેવા કરવાની ભેખ ધરાવતા શ્રી હરગોપાલસિંહ જાડેજા મંડળી ઉપરાંત સંઘમાં પણ ડાયરેકટર પદ શોભાવી રહ્યા છે. આ ઉપરાંત તેઓ અનેકવિધ સમાજ અને સામાજિક કલ્યાણ ક્ષેત્રે પણ કાર્યરત છે. તેઓએ પોતાની મંડળી થકી અનેક નાના માણસોની આર્થિક જરૂરીયાતો પૂર્ણ કરી તેમના આશિર્વાદ પ્રાપ્ત કર્યા છે. અત્યંત સરળ અને નિખાલસ વ્યકિતત્વ એ તેમની આગવી ઓળખ છે અને તેથી જ તેમણે સહકારી તથા સમાજમાં માનભર્યુ સ્થાન પ્રાપ્ત કર્યુ છે. તેમણે સ્થાપેલી મંડળી આજે કોઈ બેન્કને ટક્કર મારે એટલી સધ્ધર બની ગઈ છે. હજારો સભાસદો અને હજારો થાપણદારોનો વિશ્વાસ તેમણે સંપાદન કર્યો હોવાથી મંડળી રોજેરોજ સફળતાના નવા શિખરો સર કરી રહી છે. બાપુ હંમેશા સરળ અને સાદગીભર્યુ જીવન જીવવાના આગ્રહી હોવાથી તેમને માનભરી નજરથી જોવામાં આવે છે. આવા સરળ હૃદયી બાપુના જન્મદિવસે ખૂબ ખૂભ શુભેચ્છાઓ...

(10:01 am IST)
  • હવે કર્ણાટક ભાજપમાં પણ કકળાટ : કર્ણાટકમાં રાજકીય સંકટના પગલે કોંગ્રેસમાં કકળાટ સર્જાયાના પગલે હવે ભાજપમાં પણ ધમાસાણ મચ્યું છે. જેડીએસ બળવાખોરને મુખ્યમંત્રી પદ આપવા મામલે ભાજપમાં ડખ્ખો સર્જાયો છે. કોંગ્રેસ અને જેડીએસ ગઠબંધન સરકાર ગબડે અને ભાજપની સરકાર બનાવવા કવાયત આડે પાર્ટીમાં મતભેદબહાર આવી રહ્યા છે. કોંગ્રેસ અને જેડીએસના બળવાખોર ધારાસભ્યોને સામેલ કરવા અંગે ભાજપમાં મતમતાંતર પ્રવર્તિ રહ્યાનું પણ કહેવાય છે. access_time 1:14 pm IST

  • જસ્ટીસ અકિલ કુરેશી સંદર્ભનો કેસ ૧૫ જુલાઈએ સુપ્રિમ કોર્ટના ચીફ જસ્ટીસ સાંભળશે : જસ્ટીસ અકિલ કુરેશીને મધ્યપ્રદેશ હાઈકોર્ટના ચીફ જસ્ટીસ બનાવવા અંગેની ગુજરાત હાઈકોર્ટ એડવોકેટ એસોસીએશનની અરજીની સુનાવણી ૧૫ જુલાઈએ મુખ્ય ન્યાયાધીશ રંજન ગોગોઈની અધ્યક્ષતાવાળી બેન્ચમાં થશે access_time 1:12 pm IST

  • પ૩૯પ શ્રદ્ધાળુઓનો નવો કાફલો રવાના કરાયો : અમરનાથ યાત્રામાં ૧.૪૪ લાખ શ્રદ્ધાળુએ દર્શન કર્યા : પહેલી જુલાઇના દિવસે અમરનાથ યાત્રા શરૂ કરવામાં આવ્યા બાદથી ૧૧ દિનમાં મોટી સંખ્યામાં લોકો પહોંચ્યા access_time 3:13 pm IST