Gujarati News

Gujarati News

News of Saturday, 2nd November 2019

એઇડ્સ લડતના વનમેન આર્મી અરૂણ દવેનો કાલે જન્મદિવસઃ ૬૧માં વષમાં પ્રવેશ

'એઇડ્સ નાબુદી - ૨૦૩૦' અભિયાનનો સંકલ્પ

રાજકોટ : ૧૯૭૮ થી બાળક સર્વાંગી વિકાસની પ્રવૃત્ત્િ।થી સેવાયાત્રા શરૂ કરનાર બ્લડ બેંક સાથે કેન્સર જન જાગૃતિનું કાર્ય કરીને ૧૯૮૭થી એઇડ્સ પરત્વ જનજાગ્રુતિની ઝુંબેશ શરૂ કરનાર એઇડ્સ પ્રિવેન્સ કલબના ચેરમેન અરૂણ દવેનો કાલે (રવિવાર તા. ૩, નવેમ્બર) જન્મદિવસ છે. તેઓ ૬૧માં વર્ષમાં  પ્રવેશ કરે છે. એઇડ્સની લડત સામે 'વન મેન આર્મી'ની જેમ ૩૨ વર્ષથી,લડાઇ લડી રહ્યા છે.

 સૌરાષ્ટ્ર - કચ્છના યુવા ધનને સાંકળીને એઇડ્સ નાબુદી ૨૦૩૦ અભિયાનનો જન્મદિવસે સંકલ્પ કરીને શુભારંભ કરાયો છે. વૈશ્વિક સંસ્થા વર્લ્ડ હેલ્ડ ઓર્ગેનાઇઝેશન, યુનીસેફ, યુ.એન. એઇડ્સ જેવી એઇડ્સ નિયંત્રણની વૈશ્વિક સંસ્થાની સરાહના મેળવી છે. દુનિયાની સૌથી મોટી એઇડ્સ જનજાગૃતિની રેડ રિબીન રાજકોટ ખાતે ૩ વખત નિર્માણ કરીને વર્લ્ડ રેકોર્ડ કરેલ છે. વિશ્વની પ્રથમ મોબાઇલ હેલ્પલાઇન ૯૮૨૫૦ ૭૮૦૦૦ શરૂ કરનાર તેઓ પ્રથમ ગુજરાતી છે.

 સોશ્યિલ મિડીયા મારફત વિશ્વના ૨૦૦ થી વધુ દેશોમાં એઇડ્સ જનજાગૃતિ, સંશોધનો, નવી દવા વિશેની માહિતીઓનું આદાન પ્રદાન કરીને સમગ્ર વિશ્વમાં રાજકોટનું નામ રોશન કરેલ છે.  ફેમીલી કાઉન્સેલીંંગ, પ્રી મેરેજ કાઉન્સેલીંગ, પોસ્ટ મેરેજ કાઉન્સેલીંગ તથા સેકસ એજયુકેશન બાબતે યુવાઓને માર્ગદર્શન અપાય  છે. અરૂણભાઇના જન્મદિનની પૂર્વ સંધ્યાએ તેઓને મો.૯૮૨૫૦ ૭૮૦૦૦ ઉપર શુભેચ્છા વર્ષા થઇ રહી છે.

(5:33 pm IST)
  • દાવો રદ થવાનો કોઇ અફસોસ નથીઃ નિર્મોહી અખાડા :આજે સુપ્રિમ કોર્ટે અયોધ્યા મામલે ચુકાદા દરમિયાન નિર્મોહી અખાડાનો વિવાદીત જગ્યા અંગેનો માલીકી હકક અંગેનો દાવો રદ કર્યો હતો. નિર્મોહી અખાડાના વરિષ્ઠ સંત મહંત ધર્મદાસજીએ જણાવેલ કે વિવાદીત સ્થળનો અમારો દાવો રદ થતા કોઇ અફસોસ નથી, કેમ કે તે પણ રામલલાનો પક્ષ લઇ રહયો હતો. સુપ્રિમકોર્ટે રામલલાના પક્ષને મજબુત માન્યો છે જેથી નિર્મોહી અખાડાનો હેતુ પુર્ણ થયો છે. access_time 3:25 pm IST

  • મનીષા ગોસ્વામીને બાર દિવસની રિમાન્ડ પર સોંપવા કોર્ટનો હુકમ : કચ્છને હચમચાવનાર જયંતી ભાનુશાળી હત્યા કેસના મુખ્ય આરોપી મનીષા ગોસ્વામી અને સુરજીતભાઈને ભચાઉ અદાલતે બાર દિવસના રિમાન્ડ ઉપર પોલીસને સોંપેલ છે. સરકાર પક્ષે ખાસ સરકારી ધારાશાસ્ત્રી તરીકે શ્રી અભયભાઈ ભારદ્વાજ અને શ્રી તુષાર ગોકાણીએ ધારદાર દલીલો કરી હતી. access_time 6:07 pm IST

  • સુપ્રીમકોર્ટે સર્વસંમતિથી ચુકાદો આપ્યો છે : ચીફ જસ્ટિઝ કહ્યું કે બાબરના સમયમાં મીર બાકીએ મસ્જિદ બનાવી હતી : ખોદકામ દરમિયાન મળેલ ઢાંચો બિન ઇસ્લામિક હતો : સુપ્રીમકોર્ટ :અયોધ્યા કેસમાં નિર્મોહી અખાડાનો દાવો રદ કરી નાખવામાં આવ્યો છે : મસ્જિદ કયારે બનાવામાં આવી તે ખબર પડતી નથી : સર્વસંમતિથી સુપ્રીમકોર્ટના જજોએ ચુકાદો આપ્યો છે : તમામ ધર્મોને સમાન નજરથી જોવાનું સરકારનું કામ નથી access_time 11:03 am IST