Gujarati News

Gujarati News

News of Wednesday, 5th December 2018

વેરાવળ તાલુકા મામલતદાર દેવકુમાર આંબલીયાનો આજે જન્મદિવસ

 પ્રભાસપાટણ, તા., પઃ ગીર સોમનાથ જીલ્લાના વેરાવળ તાલુકાના મામલતદાર દેવકુમાર આંબલીયા આજે પ૭ વર્ષ પુર્ણ કરી અઠ્ઠાવનમાં  વર્ષમાં પ્રવેશે છે. તા.પ-૧ર-૧૯૬૧ ના રોજ જામખંભાળીયાના વિરમદડ ગામે જન્મેલા તેઓ બી.કોમ સુધી અભ્યાસ કરી ૧૯૮૦થી જુનાગઢ કલેકટર કચેરીથી નોકરી પ્રારંભ કર્યો. ૧૯૮પમાં સર્કલ ઇન્સ. તરીકે ઉના મામલતદાર કચેરી ૧૯૯૦માં મામલતદાર તરીકે પ્રમોશન અને હાલ વેરાવળ મામલતદાર તરીકે કાર્યરત છે.

તેમના કાર્યકાળ દરમ્યાન માંગરોળ, વેરાવળ, બાંટવા, શિહોર, ભેસાણ, વંથલી સહીત વિવિધ સ્થળોએ ફરજો બજાવેલ છે. રાજય સરકારની ઇ ગર્વન્સ ઇ ધરામાં તેમણે કરેલ કામગીરી રાજયભરમાં ઉદાહરણ તરીકે ગણવામાં આવેલ હતી.

ગિરનાર-આરોહણ-અવરોહણ સ્પર્ધાને વર્લ્ડ રેકોર્ડ તેમજ લીમકા બુકમાં સ્થાન અપાવવા સિધ્ધીઓ મેળવી છે તેઓ ખુદ તેજસ્વી ખેલાડી છે અને છ વખત ગીરનાર સ્પર્ધામાં પ્રથમ અને બે વખત પાવાગઢ સ્પર્ધામાં પ્રથમ અને દુનિયાની સૌથી લાંબી ૪ર કિ.મી.ની મેરેથોન દોડ ર કલાક ૩૭ મીનીટમાં અંતર કાપી પ્રથમ આવેલ છે. તેમના જન્મદિને ઠેરઠેરથી શુભેચ્છાઓ મો. ૯૮રપર ૬૧૮૭૧ ઉપર મળી રહી છે.

(4:10 pm IST)
  • અગસ્તા વેસ્ટલેન્ડ: અજીત ડોભાલ અને CBIના નવા ચીફ અે આપ્યો ‘‘ઓપરેશન મિશેલ’’ ને અંજામ : CBIના બે અધિકારી રાકેશ અસ્થાના અને આલોક વર્મા વચ્ચે અદાલતી લડાઇ : સીબીઆઇ મિશેલને પટિયાલ હાઉસ કોર્ટમાં રજૂ કરશે : સીબીઆઇ જોઇન્ટ ડાયરેકટ સાંઇ મનોહરનું નેતૃત્વ-ટીમઅે દુબઇમાં રહી મિશન પુરૂ કર્યુ : સુષ્મા સ્વરાજે કૌસુલર પ્રત્યાર્પણ મામલે વાત કરી : સુષ્મા દુબઇમાં છે: ભારત-UAE જોઇન્ટ કમિશનની બેઠકમાં ભાગ લેશે : ૩૬૦૦ કરોડના અગસ્તા વેસ્ટલેન્ડ સોદામાં રાજનીતિક નેતૃત્વ પર સવાલ access_time 12:30 am IST

  • સુરત: ઉધના વિસ્તારમાં સ્ટેટ વિજિલન્સ દ્વારા દારૂની રેડનો કેસ :સુરત પોલીસ કમિશનર સતીશ શર્માએ ઉધના પીઆઇ એમપી પરમારને સસ્પેન્ડ કર્યા:સ્ટેટ વિજિલન્સ દ્વારા રેડ કરી 2 લાખ 24 હજારનો દારૂ જપ્ત કર્યો હતો access_time 12:04 am IST

  • ગીરમાંથી સિંહણનો મૃતદેહ મળી આવ્યોઃ સિંહણના ૩ બચ્ચા લાપતા: ગીર સોમનાથના આંબળાશ ગામે સિંહણનો કોહવાયેલી હાલતમાં મૃતદેહ મળી આવતા ખળભળાટઃ વન વિભાગે ત્વરીત તપાસ શરૂ કરી access_time 11:57 am IST