Gujarati News

Gujarati News

News of Tuesday, 4th December 2018

હસમુખ સ્વભાવના- સૌના સાથી એવા શહેર ભાજપ પ્રમુખ કમલેશ મિરાણીનો જન્મદિવસ

રાજકોટઃ શહેર ભાજપના તરવરીયા અધ્યક્ષ શ્રી કમલેશભાઈ મિરાણીનો આજે જન્મદિવસ છે. તેઓ સતત ૩ ટર્મથી ભાજપના કોર્પોરેટર તરીકે ચૂંટાતા આવ્યા છે. ખૂબ નાની ઉંમરે સામાજીક કાર્યકર તરીકે કારકીર્દીની શરૂઆત સાથે રઘુવંશી આગેવાન તરીકે પણ કાર્યરત છે અને જલારામ મહોત્સવ સમિતિના માર્ગદર્શક તરીકે પણએક દાર્શનીક ભુમિકા નિભાવે છે.

લગભગ ૩ દાયકાથી પણ વધારે રાજકીય ક્ષેત્રે સક્રિયતા સાથે ભારતીય જનતા પાર્ટીના ભગવા રંગે રંગાયેલા શ્રી કમલેશભાઈ રામ જન્મભૂમિ આંદોલનમાં પણ ૨ વખત 'કારસેવક' તરીકે સંમેલીત રહ્યા હતા. કમલેશભાઈ મિરાણી ખૂબ જ નાની ઉંમરે રાજકીય કારકીર્દીની શરૂઆત સાથે ભારતીય જનતા પાર્ટીમાં વિવિધ જવાબદારી વહન કરી સફળ નેતૃત્વની ઓળખ બની ગયા છે. ભાજપ યુવા મોરચાના કાર્યકર્તા તરીકે નેતૃત્વની શરૂઆત સાથે ભાજપનાએ સંઘર્ષકાળમાં યુવા મોરચાના ઉપપ્રમુખ અને ત્યારબાદ પ્રમુખ તરીકેની જવાબદારી દરમ્યાન યુવાનોના એક આદર્શ નેતા તરીકે પ્રસ્થાપિત થયા ત્યારબાદ શહેર ભાજપના મંત્રી, મહામંત્રી તરીકે જવાબદારી સંભાળ્યા બાદ હાલ અત્યંત મહત્વની જવાબદારી એવી શહેર ભાજપ પ્રમુખ તરીકેની તેમની ભૂમિકા અત્યંત જવાબદારીભરી અને બીન વિવાદાસ્પદ રહી છે. સતત ૩ ટર્મથી કોર્પોરેટર તરીકે ચૂંટાતા રહેવુંએ એમની કામ પ્રત્યેની નિષ્ઠા અને લોકપ્રિયતા બતાવે છે. કમલેશભાઈ એક જાગૃત પ્રહરી રહ્યા છે. કોર્પોરેશનમાં સમાજ કલ્યાણ સમિતિના ચેરમેન તથા સ્ટેન્ડીગ કમિટીના ચેરમેન તેમજ એસ.ટી.બોર્ડ અને કેન્દ્રની ટેલીફોન એડવાઈઝરી કમિટિના સભ્ય તરીકે તેમનો ફાળો રાજકોટના વિકાસમાં નોંધપાત્ર રહ્યો છે.

રૈયા નગરપાલિકાથી રાજકોટ મહાનગરપાલિકાની એમની સફર એક જવાબદાર અને કર્મનિષ્ઠ રાજકારણી અને સમાજસેવકની રહી છે. નવ વિકસીત રાજકોટ અને ન્યુ રાજકોટના વિકાસના વિઝનમાં એમના નેતૃત્વનું અનેરૂ યોગદાન રહ્યુ છે. ઉત્સાહી અને સફળ નેતૃત્વ અને કોઈપણ જવાબદારી સહર્ષ સ્વીકારવાના એમના સ્વાભાવને કારણે ભાજપ દ્વારા વિવિધ મહાનગરો, શહેરો અને રાજયોમાં શ્રી કમલેશભાઈની નિપુણતાને લક્ષમાં લઈ ચૂંટણીલક્ષી વિવિધ કામગીરી અને જવાબદારી સોંપતું રહ્યું છે અને સોપતા રહે છે અને કમલેશભાઈ મિરાણી પણ આ કામીગીરીમાં સફળતાપૂર્વક પરીણામ આપતા રહ્યા છે. આટલી લાંબી રાજકીય અને સામાજીક કારકીર્દી દરમ્યાન અને પોતાના સ્વભાવના પ્રેરક પ્રયાસથી અસંખ્ય યુવાનોના આદર્શ બની, માર્ગદર્શક બની તેમને ભારતીય જનતા પાર્ટીની વિચારધારા સાથે જોડયા છે. ત્યારે શહેર ભાજપ પ્રમુખ કમલેશભાઈ મિરાણીને તેમના જન્મદિવસે મોબાઈલ નં.૯૭૧૪૭ ૦૭૧૧૩ ઉપર ભાજપ અગ્રણીઓ, કાર્યકર્તાઓ, શુભેચ્છકો, મીત્રો પરિવારજનો તરફથી જીવન યશસ્વી અને મંગલમય બની રહે તેવી શુભેચ્છાઓ મળી રહી છે.(૩૦.૨)

(11:46 am IST)
  • કોંગ્રેસ-જેડીએસ ગઠબંધન સરકાર અતૂટ :ભાજપ નેતાઓ પહેલા જ દિવસથી સરકાર તોડવાની વેતરણમાં : કુમારસ્વામીએ ભાજપના નેતા પ્રકાશ જાવડેકરના દાવાને ફગાવ્યો : કુમારસ્વામીએ કહ્યું કે ભાજપ છેલ્લા છ મહિનાથી સરકાર ગબડશે તેવી કાગારોળ મચાવે છે : પરંતુ તેની કર્ણાટક સરકાર પર કોઈ અસર પડશે નહીં access_time 1:14 am IST

  • સુરતના મહિધરપુરા વિસ્તારમાં ગેસ્ટ હાઉસમાં SOG પોલીસનો દરોડો :રૂ. 2.77લાખનો મુદ્દામાલ સાથે 7 જુગારીઓ ઝડપાયા access_time 2:39 pm IST

  • સુરત: ઉધના વિસ્તારમાં સ્ટેટ વિજિલન્સ દ્વારા દારૂની રેડનો કેસ :સુરત પોલીસ કમિશનર સતીશ શર્માએ ઉધના પીઆઇ એમપી પરમારને સસ્પેન્ડ કર્યા:સ્ટેટ વિજિલન્સ દ્વારા રેડ કરી 2 લાખ 24 હજારનો દારૂ જપ્ત કર્યો હતો access_time 12:04 am IST