Gujarati News

રાજકોટ તા. પઃ રાજકોટ જાણીતા તબીબ અગ્રણી અને અનેક સામાજીક સેવાકીય સંસ્થાઓ સાથે જોડાયેલા ડો. મનીષ ગોસાઇનો આજે જન્મ દિવસ છે. ડો. મનીષ ગોસાઇ શિશુકાળથી રાષ્ટ્રીય સ્વયંસેવક સંઘમાં તરૂણ સ્વયંસેવક તરીકે કાર્યરત હતા. આ ઉપરાંત ૧૯૮ર થી ૧૯૮૩ સુધી અખીલ ભારતીય વિદ્યાર્થી પરીષદ જામનગરના મંત્રી તરીકે ફરજ બજાવી ચુકયા છે. ઉપરાંત ર૦૦૧ થી ર૦૦૪ સુધી વિશ્વ હિન્દુ પરીષદ રાજકોટ મહાનગરના કાર્યકારી અધ્યક્ષ તરીકે સેવા આપી ચુકયા છે.

ડો. ગોસાઇ ર૦૦૬ થી ર૦૦૭ સુધી ઇન્ડીયન મેડીકલ એસોસીએશનના પ્રેસીડેન્ટ, ર૦૦૭ થી ર૦૦૯ કન્વીનર ભાજપ ડોકટર સેલ રાજકોટ તરીકે સેવા આપી ચુકયા છે. આ ઉપરાંત કાલાવડ રોડ, યુનિવર્સિટી રોડ ડોકટર એસોસીએશનના પ્રેસીડેન્ટ તરીકે પણ ફરજ બજાવી ચુકયા છે.

ડો. મનીષ ગોસાઇ કાલાવડ રોડ ઉપર ક્રિસ્ટલ મોલ પાછળ, જયોતીનગર મેઇન રોડ ઉપર શિવમ હોસ્પીટલ ધરાવે છે. હાલમાં ફ્રેન્ડસ કલબમાં પેટ્રન તરીકે સેવા આપી રહ્યા છે તેમજ કુમકુમ ગ્રુપ સાથે સંકળાયેલા છે. આજે જન્મદિવસ નિમિતે ડો. મનીષ ગોસાઇના મો. ૯૮ર૪ર ૧ર૦૩૬ ઉપર જન્મ દિવસની શુભેચ્છાવર્ષા થઇ રહી છે.