Gujarati News

Gujarati News

News of Saturday, 2nd June 2018

રાજકોટ જિલ્લા મહિલા ભાજપ પ્રમુખ રસિલાબેન સોજીત્રાનો જન્મદિન

રાજકોટ : જિલ્લા ભાજપ મહિલા મોરચાના અધ્યક્ષ રસીલાબેન સોજીત્રાનો  આજે તા. ૨જી જુનના રોજ જન્મદિવસ છે. શ્રીમતી રસીલાબેન સોજીત્રા બાલ સુરક્ષા આયોગના પૂર્વ ડીરેકટર, સોૈરાષ્ટ્ર યુનિવર્સિટીના સરકાર નિયુકત સેનેટ સભ્ય તેમજ જિલ્લા ભાજપના મહામંત્રી તથા મહિલા મોરચાના પ્રભારી તરીકે સંગઠનમાં કામગીરી બજાવેલ છે. ઓલ ઇન્ડિયન હ્યુમન રાઇટ અસેસના રાષ્ટ્રીય ચેરપર્સન તરીકે માનવ અધિકારો માટેની પ્રવૃતિ અને કાર્યવાહી નિષ્ઠાપૂર્વક બજાવી રહયા છે.

મવડીના પૂર્વ કોર્પોરેટર તરીકે અનન્ય લોકચાહના મેળવી ભાજપ સરકારની લોકોપયોગી યોજનાઓ છેવાડાના માનવી સુધી પહોચાડવા મહિલા સંમેલનો દ્વારા જહેમત ઉઠાવી રહયા છે. કેળવણીકાર તરીકે ગીરમાં ''ઋષિકુળ'' ની સ્થાપના કરી તેમજ રાજકોટમાં સમોઝાદ વિદ્યામંદિરના સ્થાપક સંચાલક છે. કન્યા કેળવણીના આર્દશ સંચાલક તરીકે રાજકોટમાં બહેનોના ઉત્કર્ષ માટેની મહિલા કલ્યાણની પ્રવૃતિઓની શરૂઆત કરાવેલ. સોૈરાષ્ટ્ર શિક્ષણ હિતરક્ષા સમિતિના પ્રમુખ તરીકેની અને યુનિવર્સિટીના શિક્ષણના પ્રશ્નોને વાંચા આપવામાં અગ્રણ્ય રહેલ છે. ''ગીરવરતળે'' સાપ્તાહિક અખબાર અને પત્રકારત્વ દ્વારા ખેડુતોના પ્રશ્નો અંગે અનેકવિધ રજુઆતોમાં અગ્રણ્ય રહેલ છે. આજે તેમના જન્મદિને રાજકીય મહાનુભાવો, કેળવણીકારો અને બહોળા મિત્રવર્ગમાંથી શુભેચ્છાઓનો મહાસાગર ઉમટી રહયો છે. તેમના

 મો.નં. ૯૯૭૯૯, ૦૮૮૬૬, ૯૯૭૯૧ ૦૫૫૬૬ રાજકોટ.

(11:32 am IST)
  • સાંસદો - ધારાસભ્યો સામેના કેસની સ્પેશ્યલ અદાલતો માટે પોણા બે કરોડ મંજૂર: દેશના ધારાસભ્યો, સાંસદો સંબંધી ૧૫૦૦ કેસ ચાલે છે તેનો નિકાલ લાવવા સરકારે ૧૦ વિવિધ રાજ્યોમાં અને દિલ્હીમાં બે એમ કુલ ૧૨ ખાસ અદાલતો રચવા નિર્ણય કરીને તે માટેનું ખાસ ફંડ તરીકે ૧.૭૯ કરોડ મંજૂર કર્યા છે access_time 11:21 am IST

  • ભાવનગર બોરતળાવ ગઠેચી વડલા વિસ્તારમાં આવેલ લાલ ટાંકી પાસે કોળી અને દરબારના જૂથ વચ્ચે અથડામણ :ચાર લોકોને ઇજા ;ડી ડિવિઝનનો પોલીસ કાફલો ઘટના સ્થળે દોડ્યો :બંને જૂથ દ્વારા પોલીસ ફરિયાદની તજવીજ access_time 10:17 pm IST

  • મુંબઈમાં મુશળધાર વરસાદ: બદલાપૂર, ડોમ્બિવલી, વિક્રોલીમાં પવન સાથે વરસાદ તૂટી પડ્યો: કેટલાય સ્થળોએ લાઇટો ગૂલ :મુંબઈના મલબારહીલ વિસ્તારમાં ધોધમાર વરસાદ :રસ્તાઓમાં પાણી ભરાયા :કેટલાય જગ્યાએ વાહનચાલકો ફસાયા access_time 12:33 am IST