Gujarati News

Gujarati News

News of Friday, 1st June 2018

બાપલીયાઃ પૂર્વ કોર્પોરેટર હરીભાઇ ડાંગરનો આજે જન્‍મદિવસ

રાજકોટઃ  ભાજપનાં પુર્વ કોર્પોરેટર અને આગેવાન હરીભાઇ ડાંગરનો આજે જન્‍મ દિવસ છે. ૧ જુન ૧૯૬૨માં ગામ નેસડા, જી.જામનગર ખાતે જન્‍મેલા હરીભાઈ સફળ જીવનના ૫૬ વર્ષ પૂર્ણ કરી ૫૭માં વર્ષમાં પ્રવેશ કરી રહ્યા છે. યુવાનીમાં ભાજપના ભગવા રંગે રંગાયેલા હરીભાઈ ડાંગર ૧૯૯૦માં કોંગ્રેસનો ગઢ ગણાતા એવા જુના વોર્ડ નં.૦૭માં ભાજપની ત્રણ બેઠક પ્રસ્‍થાપિત કરવાનું બહુમાન ધરાવે છે.    પાંચ વર્ષ ગુજરાત રાજયના નશાબંધી વિભાગના ડિરેક્‍ટર રહી ચુકેલા છે. મ્‍યુનિ. કોર્પોરેશનમાં માર્કેટ તથા રોશની સમિતિના ચેરમેન તરીકે તથા સ્‍ટેન્‍ડીંગ કમીટીના સભ્‍ય તરીકેની જવાબદારી નિભાવી હતી.

 બાપલીયાના હુલામણા નામથી ઓળખાતા હરિભાઈ ડાંગર આહીર જ્ઞાતિના શિક્ષણ, સમૂહ લગ્ન, કન્‍યા કેળવણી સહિતની પ્રવૃતિઓમાં યોગદાન આપી રહ્યા છે. બહોળો લોક સમુદાય મિત્ર વર્તુળ અને કાર્યકરોમાં ચાહના પ્રાપ્ત કરી છે. તેમના જન્‍મદિવસની શુભેચ્‍છા આપવા માટે મો.નં. ૯૮૨૪૨ ૮૭૦૦૧ ઉપર શુભેચ્‍છા વર્ષા થઇ રહી છે.

(4:50 pm IST)
  • હવાઇના બિગ આઇલેન્ડ પર છેલ્લાં એક મહિનાથી સક્રિય કિલાઉ જ્વાળામુખીમાં બ્લાસ્ટ હજુ પણ યથાવત: હવાઇ ઓથોરિટી મુજબ અહીં ડઝનથી વધુ નાગરિકો લાવાના કારણે ફસાયેલા છે:બિગ આઇલેન્ડના નાગરિકોને 24 કલાકમાં જ આ સ્થળ ખાલી કરી દેવાના આદેશ :તમામ લોકો વીજળી, સેલફોન કવરેજ વગર, ઉપરાંત પીવાના પાણી વગર રહે છે. access_time 1:22 am IST

  • સાંસદો - ધારાસભ્યો સામેના કેસની સ્પેશ્યલ અદાલતો માટે પોણા બે કરોડ મંજૂર: દેશના ધારાસભ્યો, સાંસદો સંબંધી ૧૫૦૦ કેસ ચાલે છે તેનો નિકાલ લાવવા સરકારે ૧૦ વિવિધ રાજ્યોમાં અને દિલ્હીમાં બે એમ કુલ ૧૨ ખાસ અદાલતો રચવા નિર્ણય કરીને તે માટેનું ખાસ ફંડ તરીકે ૧.૭૯ કરોડ મંજૂર કર્યા છે access_time 11:21 am IST

  • ટેકનીકલ કારણોસર અમદાવાદ, ભાવનગર, સુરત ફલાઈટ એક સપ્તાહથી બંધ : ટેકનીકલ કારણોસર અમદાવાદ, ભાવનગર, સુરત વચ્ચેની ફલાઈટ એક અઠવાડીયાથી બંધ છે. એર ઓડીસા દ્વારા ફલાઈટ પુનઃ શરૃ કરવામા આવે તે માટે ભાવનગર ચેમ્બર્સ ઓફ કોમર્સ દ્વારા શિક્ષણ મંત્રીને રજૂઆત કરવામાં આવી છે. આ ફલાઈટમાં ભાવનગરથી સુરતનું વિમાની ભાડુ ૨૦૦૦ રૂ. રાખવામાં આવેલ પરંતુ હવે આ ભાડુ વધારીને ૩૦૦૦ કરવામાં આવ્યુ છે access_time 4:52 pm IST