Gujarati News

Gujarati News

News of Saturday, 30th November 2019

ઓશોના સન્યાસી સ્વામી જીનસ્વરૂપ સરસ્વતી (આર.જે.આહયા)નો જન્મદિવસ

રાજકોટ : ઓશો સન્યાસી સ્વામી જીનસ્વરૂપ સરસ્વતી (આર.જે.આહયા)નો જન્મદિવસ આવતીકાલે ૧ ડિસેમ્બરના છે. તેઓ જીવનના ૭૪ વર્ષ પૂર્ણ કરી ૭૫માં વર્ષમાં પ્રવેશ કરે છે. સ્વામી જીનસ્વરૂપ સરસ્વતીને ઓશોએ પોતે જ સન્યાસ આપેલ છે અને ઓશોએ તેમને 'શકિતપાત' પણ આપેલ છે. તેઓ ૪૮ વર્ષથી સન્યાસી છે. જયારે ઓશો પોતે 'આચાર્ય રજનીશ' તરીકે ઓળખાતા અને એ સમયમાં ઓશોના સન્યાસી તથા ઓશોના વિરોધીઓની સંખ્યા ઘણી બધી હતી. લોકો નફરતની નજરથી જોતા અને સન્યાસ ખૂબ જ કઠણ હતો એ સમયમાં સ્વામીને સન્યાસ ધારણ કરેલ હતો.

સ્વામી જીનસ્વરૂપ સરસ્વતી (આર.જે.આહ્યા) એ જીલ્લા પંચાયત - રાજકોટના નિવૃત કર્મચારી છે. હાલમાં તેઓ 'વેલી ઓફ વાઈલ્ડ ફલાવર, હીલ ગાર્ડન પ્રોજેકટ, રાજકોટ'માં માધાપર ખાતેના ઈશ્વરીયા પાર્કમાં મેનેજર તરીકે પોતાની સેવાઓ આપી રહેલ છે. તેઓ ઓશોની ધ્યાન સાધના શિબિરોમાં ભાગ લઈ અનેકવાર ઓશો ધ્યાન સાધના શિબિરોનું સંચાલન કરેલ છે. તેમના જન્મદિનની પૂર્વ સંધ્યાએ જ તેઓને મો. ૯૪૨૮૨ ૦૨૨૫૫ ફોન - ૦૨૮૧-૨૫૭૪૮૫૬ ઉપર અભિનંદનવર્ષા થઈ રહી છે.  સંકલન : સ્વામી સત્યપ્રકાશ

 

(11:47 am IST)
  • ૧૦૬ દિવસ પછી ચિદમ્બરમ્ જેલમાંથી છૂટશેઃ જામીન મંજૂરઃ INX મીડિયા કેસમાં ૧૦૬ દિવસ જેલમાં રહ્યા પછી સુપ્રિમ કોર્ગે આજે પૂર્વ નાણામંત્રી પી. ચિદમ્બરમના જામીન મંજૂરી કર્યા access_time 10:52 am IST

  • મોડીરાત્રે રાજકોટના 150 ફૂટ રિંગ રોડ પર કારની અડફેટે એક્ટિવા સવાર બે યુવાનોને ઇજા : ગાંધીગ્રામ પોલીસ ચોકી નજીક ડ્રાઈવર્જન ઉતરી કારે નીચેથી પસાર થઈને આવતા એક્ટીવાને ઠોકરે ચડાવ્યું : એક્ટિવા 50 ફૂટ જેટલું દૂર ફંગોળાયું હોવાનું જાણવા મળે છે : કાર ઉપરથી આવીને ટક્કર મારી : બન્ને વાહનો ડ્રાઈવર્જન પૂરું થતા અથડાયા :પોલીસ ઘટના સ્થળે પહોંચી access_time 12:14 am IST

  • પેપર કૌભાંડ મામલે કોંગ્રેસ ૯ ડિસેમ્બરે વિધાનસભા તરફ કૂચ કરશે : બિનસચિવાલયની પરીક્ષામાં પેપર કૌભાંડના મામલે ગાંધીનગરમાં વિદ્યાર્થીઓ ભારે વિરોધ પ્રદર્શન કરી રહ્યા છે ત્યારે પ્રદેશ કોંગ્રેસ પ્રમુખ અમિતભાઈ ચાવડાએ જણાવ્યુ છે કે પેપર કૌભાંડના મામલે કોંગ્રેસ દ્વારા ૯ ડિસેમ્બરે વિધાનસભા તરફ કૂચ કરવામાં આવશે : તેઓએ જણાવેલ કે અત્યાર સુધીમાં ૧૧ જેટલી પરીક્ષાઓમાં ગેરરીતિ આચરવામાં આવી છે : વિદ્યાર્થીઓ સાથે આતંકવાદી જેવો વ્યવહાર થઈ રહ્યો છે : પેપર કાંડમાં તટસ્થ તપાસ કરવામાં આવે તેમજ ભરતીની પરીક્ષાઓમાં પારદર્શિતા લાવવામાં આવે તેમ તેઓએ જણાવ્યુ હતું. access_time 4:17 pm IST