Gujarati News

રાજકોટઃ. વોર્ડ નં. ૧૮ના જાંબાઝ કોંગ્રેસી કોર્પોરેટરશ્રી નિર્મળભાઈ મારૂનો આજે જન્મ દિવસ છે. તેમનો જન્મ તા. ૨૧-૧-૧૯૭૫ના રોજ રાજકોટ તાલુકાના હડમતીયા ગોલીડામાં થયેલ. આજે ૪૬માં વર્ષમાં પ્રવેશ કરી રહ્યા છે.

તેઓ છેલ્લા ૩૦ વર્ષથી કોંગ્રેસ પક્ષની સાથે વફાદારી સાથે જોડાયેલા છે. ૧૦ વર્ષ વોર્ડ પ્રમુખ તરીકેની જવાબદારી ખૂબ જ સારી રીતે નિભાવેલ અને ગ્રીન પાર્ક સોસાયટીના પ્રમુખ તરીકે પણ ૧૫ વર્ષથી સેવા આપી રહ્યા છે. તેઓ જય દ્વારકાધિશ શરાફી સહકારી મંડળી લી.ના ચેરમેન પણ છે અને આવી અનેક નાની મોટી સંસ્થાઓમાં પોતે ખૂબ સારી સેવા આપી રહ્યા છે. નાની ઉંમરમાં સેવા અને સંગઠન થકી અનેરી સિદ્ધિઓ મેળવી છે. સરળ અને મિલનસાર સ્વભાવના કારણે બહોળુ મિત્ર વર્તુળ ધરાવે છે. સંગઠનમાં મિલનસાર સ્વભાવના કારણે લોકપ્રિય છે. તેમના જન્મદિવસ નિમિતે તેમના પરિવારજનો વિવિધ સંસ્થાઓ તેમજ મિત્રો શુભેચ્છા તેમના મો. નં. ૯૭૧૪૯ ૫૫૫૫૫ ઉપર પાઠવી રહ્યા છે.