Gujarati News

Gujarati News

News of Tuesday, 23rd June 2020

રથયાત્રાઓના સફળ સૂકાની એવા ચમનભાઇ સિંધવનો કાલે જન્મદિન

રાજકોટ, તા.૨૩: હિન્દુ અગ્રણી ચમનભાઇ સિંધવનો કાલે તા.૨૪નાં જન્મદિવસ છે. તેઓ ૫૨માં વર્ષમાં પ્રવેશ કરનાર છે. મુળ વતન સુરેન્દ્રનગર જીલ્લાનાં પાટડી તાલુકાનાં ગવાણા ગામનાં વતની રાષ્ટ્રીય સ્વયંસેવક સંઘનાં બાલ્યકાળથી સ્વયંસેવક વર્ષોથી વિશ્વ હિન્દુ પરિષદ-મહાનગર-વિભાગ પ્રાંતની વિવિધ જવાબદારીઓ સંભાળેલ હતી. રાજકોટમાં નીકળતી જન્માષ્ટમીની યાત્રાને રાજકોટથી ગુજરાત-દેશવિદેશમાં પ્રસ્થાપિત કરવામાં  તેમનું મહત્વનું યોગદાન રહેલ સાથોસાથ ૨૧ વર્ષથી સંપૂર્ણ યાત્રાની જવાબદારી તેમજ રાજકોટમાં અનેક યાત્રાઓ જેવી કે હનુમાન જયંતિયાત્રા-જલારામ યાત્રા-રામનવમી યાત્રા- વેલનાથ યાત્રા- ગૌ યાત્રા-વી.વાય.ઓ.ની યાત્રા વિવિધ યાત્રાની સફળતાપૂર્વક જવાબદારીઓ સંભાળેલ હતી. છેલ્લા ૧૨ વર્ષથી શ્રી જગન્નાથજી ભવ્યાતિભવ્ય રથયાત્રાનું આયોજન સંભાળતા આવ્યા છે. આ સિવાય નાગરિક બેંકની સમિતિમાં પણ તેઓ કમિટિ મેમ્બર તરીકે કાર્યરત છે. તેમના જન્મદિવસ નિમિતે આર.એસ.એસનાં અગ્રણીઓ, વિશ્વ હિન્દુ પરિષદ અગ્રણીઓ સમાજનાં અગ્રણીઓ દ્વારા તેમનાં મો.નં.૯૪૨૮૨૦૦૧૦૯ ઉપર  શુભેચ્છાવર્ષા થશે.

(3:47 pm IST)
  • દેશભરમાં વિરોધ વચ્ચે પેટ્રોલ-ડીઝલની કિંમતો સતત બીજા દિવસે સ્થિરઃ ક્રૂડ ઓઇલમાં નરમાઈ : આંતરરાષ્ટ્રીય બજારમાં ક્રૂડ ઓઇલની નરમાઈ વચ્ચે પેટ્રોલ અને ડીઝલની કિંમતો સ્થિર access_time 2:48 pm IST

  • ભારતમાં કોરોનાનો કહેર યથાવત : છેલ્લા 24 કલાકમાં 18,256 નવા કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 5,85,792 કેસ: 2,20,480 એક્ટિવ કેસ :કુલ 3,47,836 દર્દીઓ રિકવર થયા :વધુ 506 લોકોના મોત સાથે કુલ મૃત્યુઆંક 17,410 થયો :મહારાષ્ટ્રમાં સૌથી વધુ નવા 4878 કેસ સાથે કુલ કેસની સંખ્યા 1,74,761 થઇ: તામિલનાડુમાં નવા 3943 કેસ :દિલ્હીમાં વધુ 2199 કેસ નોંધાયા: કર્ણાટકમાં 947 નવા કેસ : તેલંગાણામાં નવા 945 કેસ :આંધ્ર પ્રદેશમાં વધુ 704 કેસ નોંધાયા access_time 12:59 am IST

  • રાત્રે જામનગરના દિગ્જામ ફલાય ઓવર ઉપર રોંગ સાઇડ રિક્ષાનો અકસ્માત : વિશાલ ઇન્ટરનેશનલ પાસે રીક્ષા ચાલક પોતાની રિક્ષા રોંગ સાઈડમાં ચલાવી જતા એક્સીડન્ટ સર્જાયું હતું રેલ્વેના પાટા ઉપરનો ઓવર બ્રિજમાં અકસમાત સર્જાતા ભાનુશાળી યુવાન ઈજાગ્રસ્ત થયાનું જાણવા મળે છે access_time 1:30 am IST