Gujarati News

Gujarati News

News of Monday, 29th June 2020

આજના શુભ દિવસે - 636

પંદર વર્ષની છોકરી દસમાં ધોરણમાં ભણે છે એ કન્યા શાળામાં જતા આવતા બાજુની શેરીનો એક છોકરો તેની પાછળ ચાલતો-ચાલતો વાત કરવાની કોશિષ કરે છે. છોકરી તેની મમીને કહે છે અને મમી તેના ધણીને અંતે નકકી થાય છે કે શેરીના નાકે આવેલ અખાડાના માલીક પહેલવાનને વાત કરીએ.

ત્રણે જણા ત્યાં જાય છે અને વાત કરે છે. બીજો દિવસ આવ્યો અને છોકરાએ પહેલવાનના હાથનો માર ખાધો, છોકરીનો પીછો છોડી દીધો...!

મા-બાપને એમ થાય છે કે પહેલવાનના ઘેર જઇ તેમનો આભાર માનીએ ત્યાં પહોંચતા તેમની પત્ની બારણું ખોલે છે અને પેલો પહેલવાન શાક સુધારતો હોય છે અને બાળકો રમતા હોય છે.

મા-બાપ એ બહેન સાથે વાત શરૂ કરે છે ત્યારે પેલી સ્ત્રી વચ્ચેથી જ વાત કાપી નાખે છે અને કહે છે કે મારી સાથે મારી યુવાનીમાં આમ જ બનેલ...! મા-બાપ પૂછે છે કે એ વખતે અમારી શેરીનાં નાકે અખાડાનો પહેલવાન નાની ઉમરનો હતો. મેં તેની પાસે જઇને તેને વાત કરી અને પેલા છોકરાને સીધો દોર કરી દીધા...

પછી... મારે સ્કુલે જતા - આવતા પેલો પહેલવાન છોકરો અખાડાની બહાર ઉભો રહેતો ધીમે ધીમે અમે નજીક આવતા ગયાઅને બંનેના કુટુંબની રજા હોવાથી અમે લગ્ન કરી લીધા...!

પછી... એ પહેલવાન અત્યારે કયાં છે ? એ બેઠા રસોડા પાસે - શાક સુધારે છે....!!

વિનુભાઇ જગડા

ઇન્દુબેન જગડા

મો. ૯૮૭૯પ ૭૯૩૪૧

(10:15 am IST)
  • રાજસ્થાનને લાગુ વિસ્તારમાં ચીન દ્વારા યુધ્ધાભ્યાસની તૈયારી ભારત-પાકિસ્તાન સરહદે ચીન એરફોર્સ સક્રિય : રાજસ્થાન સાથેની પાકિસ્તાની સરહદે ચીનની પીપલ્સ લીબરેશન આર્મી એરફોર્સ તેની ગતિવિધી વધારી દીધી છે. ભારત વિરૂધ્ધ સાજીસનો પર્દાફાશઃ પાકિસ્તાન કબ્જાગ્રસ્ત કાશ્મીરમાં ચીની વિમાનો દેખાયા પછી રાજસ્થાન સાથેની પાકિસ્તાની સરહદ ઉપર પણ સક્રિયતા વધી છે. આર્થીક રોકાણની આડમાં ચીન હવે પાકિસ્તાનમાં યુધ્ધાભ્યાસની તૈયારીમાં હોવાનું બહાર આવ્યું છે. access_time 3:51 pm IST

  • દેશભરમાં રાત્રે 10 થી સવારના 5 વાગ્યા સુધી કર્ફ્યુ : 31મી જુલાઈ સુધી શાળા-કોલેજ બંધ રહેશે : સિનેમા હોલ, જીમ , સ્વિમિંગ પુલ અંગે રાજ્ય સરકાર કરશે નિર્ણંય : કન્ટેઇમેન્ટ ઝોનમાં કોઈપણ છૂટછાટ નહીં , માત્ર જીવન જરૂરી ચીજ વસ્તુ મળી શકશે : દિલ્હીમાં મેટ્રો ટ્રેન સેવા શરુ કરાશે : અનલોક-2ની ગાઇડલાઇન જાહેર : ઓડિટોરિયમ,સામાજિક ધાર્મિક આયોજનો અંગે પણ રાજ્ય સરકાર સ્થિતિને અનુલક્ષીને નિર્ણંય કરશે access_time 10:13 pm IST

  • રાજકોટની કુલ ૧૪૯ સૂચિત સોસાયટીમાંથી ૫૩૩૭ દાવા મંજુરઃ હજુ ૭૩૯ના મંજુરીના હુકમો બાકી : રાજકોટના પૂર્વ-પશ્ચિમ-દક્ષિણ અને તાલુકા મામલતદાર ક્ષેત્રમાં આવેલી કુલ ૧૪૯ સૂચિત સોસાયટીના બાંધકામો અંગે ૬૦૭૬ દાવા અરજી આવી હતીઃ જેમાંથી ૫૯૨૮ બાંધકામો રેગ્યુલાઈઝ કરવા અંગે સુનાવણી હાથ ધરાઈઃ તેમાં ૫૩૩૭ દાવા કલેકટર તંત્રે મંજુર કરી દીધાઃ હજુ ૭૩૯ દાવા અંગેના મંજુરી હુકમો બાકીઃ સૌથી વધુ રાજકોટ પૂર્વ ક્ષેત્રના ૩૬૧ હુકમો બાકીઃ દક્ષિણમાં ૨૫૩ અને તાલુકામાં ૧૧૬ દાવા અંગે હવે નિર્ણયઃ કલેકટરે તાજેતરમાં બોલાવેલ મીટીંગમાં આખરી સમીક્ષા કરાઈઃ ૧૫ દિ'માં પુરૂ કરવા આદેશો access_time 3:04 pm IST