Gujarati News

Gujarati News

News of Thursday, 31st December 2020

આજના શુભ દિવસે - 774

ગામડાનો એક છોકરો એના ગાય-ભેંસ ચરાવીને સાંજે ઘર તરફ જતો હોય છે. વચ્ચે તળાવ આવતા ઢોરાંને પાણી પાવા ઉભો રહે છે. છોકરો પણ કાંઠે ઉભો છે-એવામાં પાણીમાંથી મગર આવીને છોકરાનો પગ પકડી લે છે છોકરો રાડા-રાડી કરી મૂકે છે. કોઇ નજીકમાં મદદ કરે તેવું દેખાતું નથી. તે પોતાની ગાય અને ભેંસને મદદ કરવા કહે છે. તેઓએ જવાબ આપ્યો- ''તે અમને ડફણા મારવા સિવાય શું કર્યું છે ? અમે તો તને દૂધ આપ્યું છે'', તેઓએ મદદ ન કરી એટલામાં કાગડા, સમડી ઉડતા-ઉડતા પસાર થતા હોય છે. છોકરો તેમને મદદ માટે કહેછે. સમડી-કાગડાએ ઉત્તર આપ્યો, 'તેં અમને પથ્થર મારવા સિવાય કશું જ કર્યું નથી, તો અમે શાને માટે મદદ કરીએ. એટલામાં એક સસલું આ વાત-ચીત સાંભળીને ઉભું રહે છે અને કહે છે,' એલા છોકરા, હું તારી નજીક આવું છું, એટલે મારા ઉપર હુમલો કરવા, મગર તને મુકી દેશે અને તું તરત જ ભાગી જજે !

સસલુ મગર નજીક પહોંચે છે અને મગર મોં ફાડીને સસલા પર હુમલો કરે છે. સસલું તો અતિ ઝડપથી ભાગે છે. અને છોકરો ભાગી જાય છે. બહાર આવી છોકરો, સસલાનો આભાર માને છે. સસલું કહેછે, 'અરે ! જવા દે ને, મેં તો ખાલી નાટક કર્યું અને તું બચી ગયો' એમા આભાર સાનો ?

એટલામાં શિયાળ આવી ચડે છે અને સસલા ડોકમાંથી પકડી લે છે. સસલું તુર્તજ છોકરાને રાડ પાડીને મદદ માટે બોલાવે છે- છોકરો જવાબ આપે છે. 'હું આવુ જોખમ લઇને શિયાળ પાસે નહી આવું!' આ પૃથ્વી પરની આ જ સિસ્ટમ છેઃ તમે તમારૂ ફોડી લો.!!

વિનુભાઇ જગડા

ઇન્દુબેન જગડા

મો. ૯૮૭૯પ ૭૯૩૪૧

(10:08 pm IST)
  • વર્લ્ડ હેલ્થ ઓર્ગેનાઈઝેશન ( WHO ) એ એક જ મહિનામાં સતત ત્રીજી વખત ભારતનો ખોટો નકશો દેખાડ્યો : જમ્મુ ,કાશ્મીર ,તથા લડાખને અલગ બતાવ્યા : ભારત સરકારે ત્રીજી વખત ચેતવણી આપી : ખોટો નકશો પ્રદર્શિત કરવો તે બાબત ગેરકાનૂની તથા જેલ સજાને પાત્ર access_time 2:02 pm IST

  • ભાજપને હરાવવા ડાબેરી મોરચા તથા કોંગ્રેસ સાથે ગઠબંધન કરવાની મમતા દીદીની ઓફરનો ફિયાસ્કો : બંને પાર્ટીએ ઓફર નકારી કાઢી : કોંગ્રેસે ગઠબંધન કરવાને બદલે ટીએમસી પાર્ટીનું કોંગ્રેસમાં મર્જર કરી દેવાની સલાહ આપી : ભાજપને એકલા હાથે હરાવી શકવાની ત્રેવડ નહીં હોવાની ભાજપ આગેવાનોની ટકોર access_time 1:30 pm IST

  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 12 વાગ્યા સુધીમાં કોરોનાના નવા 8537 કેસ નોંધાયા :કુલ કેસની સંખ્યા 1, 05, 04,3 53 થઇ :એક્ટિવ કેસ 2,10,734 થયા: વધુ 9127 દર્દીઓ સ્વસ્થ થતા કુલ 1,01,37,584 થયા :વધુ 124 લોકોના મોત સાથે કુલ મૃત્યુઆંક 1,51,688 થયો access_time 1:02 am IST