હું જલ્દી સ્વસ્થ થઈને મેદાનમાં પરત ફરીશ: કેએલ રાહુલ

નવી દિલ્હી: ભારતના ઓપનર કેએલ રાહુલે બુધવારે માહિતી આપી હતી કે તેની સર્જરી પૂર્ણ થઈ ગઈ છે અને તે હવે તેમાંથી બહાર આવવાનો પ્રયાસ કરી રહ્યો છે. પીઠની ઈજાને કારણે રાહુલ 8 જૂને દક્ષિણ આફ્રિકા સામેની T20I શ્રેણીમાંથી બહાર થઈ ગયો હતો. રાહુલે સંદેશાઓ અને પ્રાર્થનાઓ માટે દરેકનો આભાર માન્યો અને કહ્યું કે તે જલ્દી સ્વસ્થ થઈને મેચોમાં પરત ફરી જશે. KL રાહુલે Koo એપ પર એક પોસ્ટ શેર કરી અને લખ્યું, "બધાને નમસ્કાર. થોડાં અઠવાડિયાં અઘરાં રહ્યાં પણ સર્જરી સફળ રહી. હું ધીમે ધીમે સ્વસ્થ થઈ રહ્યો છું. મારી રિકવરીનો રસ્તો શરૂ થઈ ગયો છે. પ્રાર્થના માટે આભાર. જલ્દી મળીશું. "