સાઉદી અરેબિયામાં U-17 એશિયન કપ ક્વોલિફાયર રમશે ભારત
નવી દિલ્હી: ભારતને 2023માં બહેરીનમાં યોજાનાર AFC U-17 એશિયન કપના ક્વોલિફાઈંગ રાઉન્ડ માટે સાઉદી અરેબિયા, મ્યાનમાર, માલદીવ્સ અને કુવૈત સાથે ગ્રુપ Dમાં રાખવામાં આવ્યું છે. ગ્રુપ ડી માટે ક્વોલિફાઇંગ રાઉન્ડ સાઉદી અરેબિયામાં 1 થી 9 ઓક્ટોબર દરમિયાન રમાશે. તમામ 44 સહભાગી રાષ્ટ્રોને 10 કેન્દ્રિય ક્વોલિફાઇંગ જૂથોમાં વિભાજિત કરવામાં આવ્યા છે, જેમાંથી છમાં ચાર ટીમો હશે, જ્યારે ચાર જૂથોમાં પાંચ ટીમો હશે.2017ના અંડર-17 ફિફા વર્લ્ડ કપની યજમાની કરનાર ભારત આ વર્ષે ઓક્ટોબરમાં મહિલા ઈવેન્ટની યજમાની કરશે, મંગળવારે કુઆલાલંપુરમાં યોજાયેલા ડ્રો મુજબ ગ્રુપમાં પાંચ સભ્યો છે. 10 જૂથની વિજેતા અને પાંચ શ્રેષ્ઠ બીજા સ્થાને રહેલી ટીમો ફાઇનલમાં બહેરીન સાથે જોડાશે. તારીખો હજુ નક્કી થવાની બાકી છે.