કેન વિલિયમસન ગણાવ્યું ફાસ્ટ બોલર ઉમરાન મલિકને ટીમનું બોનસ હથિયાર
નવી દિલ્હી: સનરાઇઝર્સ હૈદરાબાદ (SRH)ના કેપ્ટન કેન વિલિયમસને ઝડપી બોલર ઉમરાન મલિકને તેની ટીમનું બોનસ હથિયાર ગણાવ્યું હતું. જોકે, આ પ્રતિભાશાળી યુવા ખેલાડી ઈન્ડિયન પ્રીમિયર લીગ (આઈપીએલ)ની વર્તમાન સિઝનમાં ઘણી વખત મોંઘો સાબિત થયો છે. ઉમરાન મલિકે મુંબઈ સામે તેની ત્રણ ઓવરમાં 23 રન આપીને ત્રણ વિકેટ લીધી હતી. તેણે સિઝનની સૌથી ઝડપી ડિલિવરી 157 કિમી પ્રતિ કલાકની ઝડપે ફેંકી હતી, જેના કારણે ક્રિકેટની દુનિયામાં હલચલ મચી ગઈ હતી. તેણે MI ઓપનર ઈશાન કિશન, ડેનિયલ સેમ્સ અને તિલક વર્માના કેચ આઉટ કર્યા.વિલિયમસને કહ્યું કે મંગળવારે મુંબઈ સામે SRHની ત્રણ રનની જીતમાં ઉમરાને મહત્વનો ભાગ ભજવ્યો હતો. તેણે વધુમાં ઉમેર્યું, "મલિકની બોલિંગ શાનદાર રહી છે. તેણે દરેક મેચમાં પોતાનું સર્વશ્રેષ્ઠ આપવાનો પ્રયાસ કર્યો છે. તે જે રીતે બોલિંગ કરે છે તે ખરેખર પ્રશંસનીય છે. બેટ્સમેન તેની બોલિંગથી હંમેશા દબાણમાં રહે છે. તે એક વાસ્તવિક તાકાત અને બોનસ હથિયાર છે.