Gujarati News

Gujarati News

News of Saturday, 31st October 2020

તામિલનાડુમાં એમએસ ધોનીનું મંદિર બની શકે છે

ટીમ ઇન્ડિયાના પૂર્વ કોચ સંજય બાંગરનું નિવેદન : દરેક મેચમાં બીજી ટીમોના ખેલાડી ધોની પાસે જઈને તેની પાસે ઓટોગ્રાફ તેમજ તેની જર્સી માગતા જોવા મળે છે

નવી દિલ્હી,તા.૩૧ : આઈપીએલ-૨૦૨૦માં ચેન્નઈ સુપરકિંગ્સનું પ્રદર્શન ખાસ રહ્યું નથી. ચેન્નઈની ટીમ પ્લેઓફની રેસમાંથી બહાર થઈ ગઈ છે. ચેન્નઈનો કેપ્ટન એમએસ ધોનીનો જાદુ વખતે જોવા મળ્યો નથી. તે બેટ વડે પણ ધમાલ મચાવી શક્યો નથી. જોકે આમ છતા આઈપીએલમાં ધોનીનું નામ છવાયેલું છે. દરેક મેચમાં બીજી ટીમોના ખેલાડી ધોની પાસે જઈને તેની પાસે ઓટોગ્રાફ અને તેની જર્સી માંગતા જોવા મળે છે. દરમિયાન ભારતના પૂર્વ બેટિંગ કોચ અને પૂર્વ ક્રિકેટર સંજય બાંગરે ધોની પર મોટી વાત કરી છે. સ્ટાર સ્પોર્ટ્સ પર આઈપીએલ ૨૦૨૦ સાથે જોડાયેલ એક કાર્યક્રમમાં સંજય બાંગરે કહ્યું કે ધોની દેશમાં ઘણું મોટું નામ છે. ચેન્નઈ સુપરકિંગ્સના પ્રશંસકો તેને ઘણા માને છે. જે રીતે તમિલનાડુમાં રજનીકાંત અને જયલલિતાની દિવાનગી રહી છે તેવું કશુંક ધોની માટે પણ છે. બાંગરે કહ્યું કે કેટલાક વર્ષોમાં ધોનીનું મંદિર પણ બની જાય તો મને તેમાં કોઈ આશ્ચર્ચચકિત નહીં થાય.

ધોની પહેલા સચિન તેંડુલકરની સાથે પણ આવુ બન્યું છે. ભારતીય પ્રશંસકો સચિન તેંડુલકરને ક્રિકેટના ભગવાન કહે છે. હવે ધોની માટે પણ આવી દિવાનગી છે. ધોનીએ પોતાની કારકિર્દીમં બધી સિદ્ધિ મેળવી છે. જેના વિશે કોઈ ખેલાડી વિચારી પણ શકે નહીં. ધોનીએ ટીમ ઇન્ડિયાને ટી-૨૦ વર્લ્ડ કપ, વન-ડે વર્લ્ડ કપ, ચેમ્પિયન્સ ટ્રોફી જીતાડી છે. ટીમને ટેસ્ટમાં નંબર વન પણ બનાવી છે. આઈપીએલમાં ધોનીએ ટીમને ત્રણ વખત ચેમ્પિયન બનાવી છે.

(7:17 pm IST)
  • ' ધ બેટલ ઓફ બિલોગિંગ ' : શશી થરૂર લિખિત પુસ્તકનું લોન્ચિંગ : હિન્દુત્વની નારાબાજી કટ્ટરતાની નિશાની : હિન્દુત્વ એ કોઈ ધાર્મિક નહીં પણ રાજકીય સિદ્ધાંત છે : ' હિન્દૂ ભારત ' એ દેશના લોકશાહી બંધારણ માટે પડકાર સમાન : હિન્દુત્વનું આંદોલન એ 1947 ની મુસ્લિમ સંપ્રદાયિકતાનું પ્રતિબિંબ : લોન્ચિંગ પ્રસંગે ઉદબોધન access_time 6:32 pm IST

  • મુંબઈના ભીંડી બજાર વિસ્તારમાં કેટલાક દેશવિરોધી તત્વોએ ફ્રાન્સના રાષ્ટ્રપતિ મેક્રોની તસવીરો રોડ ઉપર લગાડી છે. સેંકડો લોકો તેના ઉપરથી પસાર થઇ રહ્યા છે. આવા તત્વોની તાત્કાલિક ધરપકડ કરવા સોશિયલ મીડિયા ઉપર માગણી થઈ રહી છે. જાણીતા પત્રકાર શીલા ભટ્ટે ટ્વિટર હેન્ડલ ઉપર આ વીડિયો પણ મૂકી છે. access_time 2:38 pm IST

  • રાજ્યના અધિક મુખ્ય સચિવ સંગીતા સિંઘ આજે વયમર્યાદાના કારણે ગૃહ વિભાગમાંથી નિવૃત્ત થતા સરકારે તેમને રાજ્યના વિજીલન્સ કમિશનર તરીકે નિમણુંક આપી છેઃ અત્યાર સુધી આ જગ્યાનો વધારાનો હવાલો તેમની પાસે હતોઃ સંગીતા સિંઘને લાગુ પડતો વિગતવાર હૂકમ હવે પછી થશે access_time 5:11 pm IST