Gujarati News

Gujarati News

News of Monday, 30th November 2020

બાબરે મારી સાથે ૧૦ વર્ષ સુધી શારીરિક યૌન શોષણ કર્યું

પાકિસ્તાનના કેપ્ટન બાબર આઝમ ઉપર મહિલાએ શારીરિક શોષણ-મારી નાખવાનો આરોપ : મારો ગર્ભપાત પણ કરાવ્યો હતો, ઘરેથી ભાગી ગઇ એટલે ઘરે પણ જઇ શકતી નથી, પોલીસ ફરિયાદ

લાહોર તા. ૩૦: પાકિસ્તાન ક્રિકેટ ટીમના કેપ્ટન બાબર આઝમ પર એક મહિલાએ તાજેતરમાં આરોપ લગાવ્યો છે કે બાબરે ૧૦ વર્ષ સુધી મારૃં શારીરિક શોષણ કર્યું હતું અને મને જીવથી મારી નાખવાની ધમકી આપી હતી.

પાકિસ્તાનની એક ચેનલે પ્રસારિત કરેલા સમાચારમાં બાબર આઝમ પર આરોપ લગાવતાં મહિલાએ કહ્યું કે ''બાબર અને હું ત્યારથી રિલેશનશિપમાં છીએ જયારે તે ક્રિકેટર પણ નહોતો, અમે બન્ને એકજ એરિયામાં રહેતા હતાં. ર૦૧૦માં તેણે મને પ્રપોઝ કર્યું અને એ મેં સ્વીકારી લીધું હતું. જેમ-જેમ સમય વીતતો ગયો એમ-એમ લગ્નનો વિચાર કરવા લાગ્યાં. અમે અમારા પરિવારજનોને પણ આ વાત જણાવી, પણ તેમણે એ નકારી કાઢી હતી.

ર૦૧૧માં અમે ઘરથી ભાગી ગયાં અને બાબર મને કહ્યા કરતો કે આપણે કોર્ટ-મેરેજ કરીશું. અમે કેટલાક ભાડાના ઘરમાં પણ સમય વિતાવ્યો હતો, પણ તે લગ્નને સતત નકારતો રહ્યો હતો. ર૦૧૪માં જેવો તે પાકિસ્તાન ક્રિકેટ ટીમમાં સામેલ થયો એવો તેનો સ્વભાવ બદલાવા લાગ્યો. બીજા વર્ષે મેં તેને નિકાહ કરવાનું કહ્યું હતું ત્યારે પણ તેને એ વાત નકારી કાઢી હતી. ર૦૧૬માં મેં તેને કહ્યું કે હું ગર્ભવતી છું ત્યારે તેણે અજીબ રીતે વર્તન કરવાનું અને મારૃં શારીરિક શોષણ કરવાનું શરૂ કરી દીધું. અમે ઘરથી ભાગ્યાં હતાં એટલે હું મારા ઘરે પણ નહોતી જઇ શકતી. ર૦૧૭માં મેં બાબર વિરૂદ્ધ પોલીસ-સ્ટેશનમાં ફરિયાદ કરી હતી. તેણે ૧૦ વર્ષ સુધી મારૃં શારીરિક અને યૌન શોષણ કર્યું હતું.

મહિલાએ જણાવ્યા પ્રમાણે બાબરે તેના એક મિત્રના માધ્યમથી તેનો ગર્ભપાત પણ કરાવ્યો હતો. બાબરે મહિલાને જીવથી મારી નાખવાની ધમકી આપી હોવાનો પણ મહિલાએ દાવો કર્યો છે. હાલમાં બાબર ન્યુઝીલેન્ડના પ્રવાસે ગયેલી પાકિસ્તાનની ક્રિકેટ ટીમની કમાન સંભાળી રહ્યા છે.

(2:32 pm IST)
  • વિશ્વમાં કોરોનાના ૬.૩૦ કરોડથી વધુ કેસઃ ૧૪.૬૪ લાખ લોકોના મોત : વિશ્વમાં ૬,૩૦,પ૩,૦૦૦ કોરોનાના કેસઃ કુલ ૧૪,૬૪,૦૦૦ લોકોના મોતઃ ૪.૩પ કરોડ લોકો સાજા થયા છે છેલ્લા ર૪ કલાકમાં ૪.૯૬ લાખ કેસ આવ્યાઃ ૭ર૧૮ ના મોતઃ ભારતમાં કોરોનાનો મૃત્યુદર ૧૦૪૬ ટકા તો રિકવરી રેટ ૯૩.૬૮ ટકા છે access_time 11:26 am IST

  • શ્રીલંકાની રાજધાની કોલંબો નજીક આવેલી જેલમાં પુરાયેલા 175 કેદીઓ પૈકી 19 કોરોનાથી સંક્રમિત : જેલનો દરવાજો ખોલી નાખી કેદીઓએ ભાગવાની કોશિષ કરી : રસોડામાં અને રેકર્ડ રૂમમાં આગ લગાડી દીધી : જેલ અધિકારીઓ સાથે ઝપાઝપી દરમિયાન 8 કેદીઓના મૃત્યુ : જેલ અધિકારી સહીત 37 ઈજાગ્રસ્ત access_time 7:24 pm IST

  • દેશમાં કોરોનાના કેસનો કુલ આંકડો 94 લાખને પાર પહોંચ્યો : મૃત્યુઆંક 1.37 લાખથી વધુ :રાત્રે 11 વાગ્યા સુધીમાં કોરોનાના નવા 37,685 કેસ નોંધાયા:કુલ કેસની સંખ્યા 94, 30,724 થઇ :એક્ટીવ કેસ 4,46,658 થયા : વધુ 43,590 દર્દીઓ સ્વસ્થ થતા કુલ 88,44,751 રિકવર થયા :વધુ 419 લોકોના મોત સાથે કુલ મૃત્યુઆંક 1,37,152 થયો access_time 12:08 am IST