Gujarati News

Gujarati News

ખેલ-જગત
News of Friday, 27th November 2020

ફિન્ચ-વોર્નરની ચોથીવાર ૧૫૦ રનની ભાગીદારી

ભારત અને ઓસ્ટ્રેલિયા વચ્ચે પ્રથમ વન-ડે : ઓસ્ટ્રેલિયા તરફથી વન-ડેમાં ઝડપી ૫૦૦૦ રન કરનાર ફિંચ બીજો ખેલાડી, અગાઉ વોર્નરે આ સિધ્ધિ નોંધાવી છે

સિડની, તા. ૨૭ : ભારત અને ઑસ્ટ્રેલિયાની વચ્ચે દ્વિપક્ષીય શ્રેણીની શરૂઆત સિડનીમાં થઈ ગઈ છે. પહેલી વનડે  મેચમાં ટોસ જીતીને પહેલા બેટિંગ કરતા ઑસ્ટ્રેલિયા તરફથી કેપ્ટન એરોન ફિંચ અને ડેવિડ વૉર્નરે જોરદાર બેટિંગ કરતા ભારતીય બૉલરોની ધોલાઈ કરી. કેપ્ટન ફિંચે તો મેદાનની ચારેય બાજુ રન બનાવ્યા અને સદીની સાથે જ પોતાના ૫ હજાર રન પુરા કર્યા. મેચ પહેલા ફિંચને ૫ હજાર વનડે રન માટે ૧૭ રનોની જરૂર હતી. તેણે જસપ્રીત બુમરાહના પાંચમા બૉલ પર આ ઉપલબ્ધિ મેળવી.

ફિંચ હવે ઑસ્ટ્રેલિયા તરફથી સૌથી ઝડપી ૫ હજાર રન બનાવનારો બીજો ખેલાડી બની ગયો છે. તેણે ૧૨૬ ઇનિંગમાં આ ઉપલબ્ધિ મેળવી. આ મામલે તેનો સાથી ખેલાડી ડેવિડ વૉર્નર પહેલા નંબર પર છે. તેણે ૧૧૫ ઇનિંગમાં આ કારનામું કર્યું હતુ. ઉલ્લેખનીય છે કે પહેલા બેટિંગ કરવા ઉતરેલી ઑસ્ટ્રેલિયા તરફથી ડેવિડ વૉર્નર અને એરોન ફિંચની જોડીએ પહેલી વિકેટ માટે ૧૫૬ રનની ભાગેદારી કરી. ફિંચે પોતાની ૧૭મી સદી પૂર્ણ કરી, તો વૉર્નરે અડધી સદી ફટકારી.

આઉટ થયા પહેલા ફિંચે ૯ ચોગ્ગા અને ૨ છગ્ગાની મદદથી ૧૨૪ બૉલમાં ૧૧૪ રન બનાવ્યા. આ ઉરાંત એરોન ફિંચ અને ડેવિડ વૉર્નરે વધુ એક રેકૉર્ડ બનાવ્યો છે. વૉર્નર અને ફિંચની જોડીએ ભારતની સામે ૪ વાર ૧૫૦થી વધારે રનની ભાગીદારી કરી છે જે કોઈ પણ ટીમના ઑપનરો દ્વારા બીજી ટીમ વિરુદ્ધ સૌથી વધુ છે. ઑસ્ટ્રેલિયા તરફથી સૌથી વદું ૧૦૦થી વધુ રનની ભાગીદારી કરવાના મામલે ફિંચ અને વૉર્નરની જોડી ત્રીજા નંબરે પહોંચી ગઈ છે.

(9:09 pm IST)
છેલ્લા 8 દિવસમાં સૌથી લોકપ્રિય
સમાચાર ફટાફટ

  • જામનગરની જાણીતી હોટલ રોયલ સ્ટેના માલિક નરેન્દ્રસિંહ પરમારનું દુઃખદ નિધન access_time 10:29 pm IST

  • 30 નવેમ્બરના રોજ વારાણસી જશે નરેન્દ્રભાઈ : ગંગા નદીમાં બોટ રાઇડ કરશે : વડાપ્રધાન શ્રી નરેન્દ્રભાઈ મોદી ૩૦ નવેમ્બરે વારાણસીની મુલાકાતે આવી રહ્યા છે તેઓ ગંગા નદીમાં બુટ મુસાફરી કરશે અને કાશી વિશ્વનાથ મંદિરની મુલાકાત પણ લેશે. વારાણસીના રાજઘાટ પર દીપ પ્રગટાવશે તથા વારાણસી અને પ્રયાગરાજ વચ્ચે એક નવા હાઇવેનું ઉદઘાટન કરશે access_time 10:45 am IST

  • દેશમાં કોરોનાથી મૃત્યુઆંક 1.36 લાખને પાર પહોંચ્યો :એક્ટિવ કેસ ફરી વધ્યા : રાત્રે 11 વાગ્યા સુધીમાં કોરોનાના નવા 39,414 કેસ નોંધાયા:કુલ કેસનો આંકડો 93,49,285 થયો :એક્ટીવ કેસ 4, 53,436 થયા: વધુ 39,815 દર્દીઓ સ્વસ્થ થતા કુલ 87,57,524 રિકવર થયા :વધુ 438 લોકોના મોત સાથે કુલ મૃત્યુઆંક 1,36,190 થયો access_time 11:58 pm IST

મુખ્ય સમાચાર
સમાચાર રાજકોટ
સૌરાષ્ટ્ર કચ્છ
સમાચાર ગુજરાત
દેશ-વિદેશ
એન. આર. આઈ. સમાચાર
ખેલ-જગત
ફિલ્મ જગત