Gujarati News

Gujarati News

News of Friday, 27th November 2020

કાંગારૂઓએ જંગી જુમલો ખડકયો : ટીમ ઈન્ડિયા ૮૫/૩

સિડની વન-ડે : ઓસ્ટ્રેલિયા-૩૭૪/૬ : ફિન્ચ - સ્મિથની સદી : અંતિમ ઓવરોમાં મેકસવેલની ફટકાબાજી : ભારતીય ટીમ નવી જર્સી સાથે મેદાનમાં ઉતરી : શમીને ૩, બુમરાહ - સૈની - ચહલ - જાડેજાને ૧-૧ વિકેટ : મયંક - ૨૨, વિરાટ - ૨૧, અય્યર - ૨ રને આઉટ

સિડની : લાંબા સમય બાદ નવી જર્સી સાથે ઉતરેલી ભારતીય ટીમના બોલરોની આજે ભારે ધોલાઈ થઈ હતી. કેપ્ટન ફીન્ચ ૧૧૪, સ્મિથ - ૧૦૫ અને મેકસવેલે અંતિમ ઓવરોમાં માત્ર ૧૯ બોલમાં ૪૫ રન ઝુડી નાખ્યા હતા. ઓસ્ટ્રેલિયાએ ૫૦ ઓવરમાં ૬ વિકેટે ૩૭૪ રન ખડકી દીધા હતા. જવાબમાં ભારતીય ટીમે પણ વળતો પ્રહાર કર્યો છે. ૧૦ ઓવરમાં ૩ વિકેટે ૮૫ રન બનાવી લીધા છે.

ઓસ્ટ્રેલિયાએ ટોસ જીતી દાવ લેતા મજબૂત શરૂઆત કરી હતી. વોર્નરે ૬૯ રન ફટકાર્યા હતા તો કેપ્ટન ફિન્ચે શાનદાર સદી ફટકારી હતી. તેણે ૧૨૪ બોલમાં ૧૧૪ રન બનાવ્યા હતા. તેની સાથે સ્મિથે પણ માત્ર ૬૬ બોલમાં ૧૦૫ રનની શાનદાર ઈનિંગ રમી હતી. ત્યારબાદ સ્ટોયનીસ પ્રથમ બોલે જ આઉટ થઈ ગયો હતો. બાદ મેદાનમાં મેકસવેલ આવતા માત્ર ૧૯ બોલમાં ૫ ચોગ્ગા અને ૩ છગ્ગાની મદદથી ૪૫ રન ફટકારી દીધા હતા. કેરી ૧૭ રને, કમીન્સ ૧ રન બનાવી આઉટ થયો હતો. આમ ઓસ્ટ્રેલિયાએ ૫૦ ઓવરમાં ૬ વિકેટે ૩૭૪ રનનો જંગી જુમલો ખડકી દીધો હતો.

ટીમ ઈન્ડિયાના બોલરોની ભારે ધોલાઈ થઈ હતી. પ્રથમ વિકેટ છેક ૨૮મી ઓવરે પડી હતી. મોહમ્મદ શમીએ ૩, બુમરાહ - સૈની - ચહલ અને જાડેજાને ૧-૧ વિકેટો મળી હતી.

૩૭૫ રનના ટાર્ગેટ સાથે ઉતરેલા ટીમ ઈન્ડિયાના બેટ્સમેનો પણ સટાસટી બોલાવી રહ્યા છે. મયંક અગ્રવાલ ૨૨, વિરાટ કોહલી ૨૧ અને શ્રેયસ અય્યર ૨ રન બનાવી આઉટ થયા છે. આ લખાય છે ત્યારે ભારતે ૧૦ ઓવરમાં ૩ વિકેટે ૮૫ રન બનાવ્યા છે. ભારતને જીત માટે હજુ ૨૯૦ રનની જરૂર છે.

(3:31 pm IST)
  • પશ્ચિમ બંગાળના મુખ્ય મંત્રી મમતા બેનરજીને એક જ દિવસમાં બે ઝટકા : ટ્રાન્સપોર્ટ મિનિસ્ટર સુવેન્દુ અધિકારીએ રાજીનામુ આપ્યું : ધારાસભ્ય મિહિર ગોસ્વામીનું પણ રાજીનામુ : મિહિર ગોસ્વામી ભાજપમાં જોડાશે : રાજ્ય ભાજપ અધ્યક્ષ દિલીપ ઘોષની કોમેન્ટ ' તૃણમૂલના અંતનો આરંભ ' access_time 8:27 pm IST

  • દેશમાં કોરોના કેસનો આંકડો 93 લાખને પાર પહોંચ્યો :એક્ટિવ કેસ ફરી વધ્યા : રાત્રે 11 વાગ્યા સુધીમાં કોરોનાના નવા 42 054 કેસ નોંધાયા:કુલ કેસનો આંકડો 93, 08,751 થયો :એક્ટીવ કેસ 4, 54,323 થયા: વધુ 38,580 દર્દીઓ સ્વસ્થ થતા કુલ 87,16,556 રિકવર થયા :વધુ 473 લોકોના મોત સાથે કુલ મૃત્યુઆંક 1,35, 734 થયો access_time 12:14 am IST

  • મહેબુબા મુફતી ફરી નજર કેદમાં : પુત્રી ઈલ્તીજાની જાહેરાત : કાશ્મીરના ભૂતપૂર્વ મુખ્યમંત્રી મહેબુબા મુફતીને આજે સવારે ફરીથી તેમના નિવાસસ્થાને નજર કેદ કરવામાં આવ્યા છે : મહેબુબા મુફતીની પુત્રી ઈલ્તીજાએ આ વાતની જાહેરાત કરી હતી : તેણે કહેલ કે શું આપણે આને લોકશાહી કહેશુ જયાં લોકોને વાણી સ્વતંત્રતા કે વિચારો વ્યકત કરવાનો પણ કોઈ અધિકાર નથી : જો કે સત્તાવાર હજુ સુધી આવી કોઈ જાહેરાત થઈ નથી access_time 1:08 pm IST