Gujarati News

Gujarati News

News of Tuesday, 19th January 2021

ઓસ્‍ટ્રેલિયા સામે ઐતિહાસિક વિજય બાદ ભારતે ટેસ્‍ટ રેન્‍કીંગમાં પણ કાંગારૂને ટીમને પાછળ છોડી દીધીઃ બીજા ક્રમે પહીંચી ગઇ

અમદાવાદઃ  ભારત અને ઓસ્ટ્રેલિયા વચ્ચે રમાયેલી બોર્ડર-ગાવસ્કર ટેસ્ટ સીરિઝમાં ભારતે સીરિઝ 2-1થી જીતી લીધી છે. તેના કારણે આઈસીસી ટેસ્ટ રેન્કિંગમાં ભારત ત્રીજા સ્થાનેથી બીજા નંબરે આવી ગયું છે. પહેલાં ઓસ્ટ્રેલિયા બીજા અને ભારત ત્રીજા સ્થાને હતું. જોકે, ભારત અને ઓસ્ટ્રેલિયા વચ્ચે રમાયેલી ચોથી ટેસ્ટ મેચ કોઈ થ્રિલર મૂવીથી કમ નહોંતી. એક તરફથી ઓસ્ટ્રેલિયાની ઘાતક બોલિંગ તો બીજી તરફ ટીમ ઈન્ડિયાનું સોડિલ ડિફેન્સ. અને છેલ્લી ઓવરોમાં ટીમ ઈન્ડિયાએ કાંગારુઓના ઘમંડને ચકનારું કરીને ઐતિહાસિક જીત હાંસલ કરી.

ટેસ્ટ રેન્કિંગમાં ભારતે ઓસ્ટ્રેલિયાને પાછળ છોડ્યુ:

બ્રિસ્બેન: વિરાટ કોહલીની ગેરહાજરી છતાં ભારતીય ક્રિકેટ ટીમે અજિંક્ય રહાણેની કેપ્ટનશીપમાં ઈતિહાસ રચી દીધો છે. બ્રિસ્બેનમાં રમાયેલી ચોથી ટેસ્ટ મેચમાં ભારતે ઓસ્ટ્રેલિયાને 3 વિકેટથી ધૂળ ચટાડતાં ટેસ્ટ સીરિઝ 2-1થી જીતી લીધી છે. ભારતે સતત બીજી વાર ઓસ્ટ્રેલિયાને તેના ઘરમાં ટેસ્ટ સીરિઝમાં પરાજય આપ્યો છે. છેલ્લે 2018-19માં ભારતે ઓસ્ટ્રેલિયાને તેના ઘરમાં 2-1થી હાર આપી હતી. જેના કારણે ભારતીય ટીમે બોર્ડર-ગાવસ્કર ટ્રોફી સતત બીજીવાર પોતાના નામે કરીને જીતની હેટ્રિંક લગાવી છે.

BCCI પણ ટ્વીટ કરીને ટીમ ઈન્ડિયાને શાનદાર જીત બદલ અભિનંદન આપ્યાં. ક્રિકેટના ભગવાન કહેવાતા સચિન તેંડુલકરે પણ ટ્વીટ કરીને ઐતિહાસિક જીત બદલ ટીમના ભરપુર વખાણ કર્યાં.

ભારતીય ટીમના રેન્કિંગમાં સુધાર:

ઓસ્ટ્રેલિયા સામેની ટેસ્ટ સીરિઝ પહેલાં ભારત 114 પોઈન્ટ સાથે ત્રીજા ક્રમે હતું. જ્યારે ઓસ્ટ્રેલિયા 116 પોઈન્ટ સાથે બીજા નંબરે હતું. જોકે ભારતે ટેસ્ટ સીરિઝ જીતી લેતાં તેના રેન્કિંગમાં પણ સુધારો થયો છે. અને ભારતીય ટીમ ટેસ્ટ રેન્કિંગમાં બીજા નંબરે પહોંચી ગયું છે. જ્યારે ઓસ્ટ્રેલિયા ત્રીજા ક્રમે ખસેડાયું છે. ભારત અને ન્યૂઝીલેન્ડ વચ્ચે હવે માત્ર એક પોઈન્ટ કરતાં પણ ઓછું અંતર રહી ગયું છે.

રેન્ક

ટીમ

રેટિંગ

1.

ન્યૂઝીલેન્ડ

118.44

2.

ભારત

117.65

3.

ઓસ્ટ્રેલિયા

113

4.

ઈંગ્લેન્ડ

106

5.

સાઉથ આફ્રિકા

96

6.

શ્રીલંકા

86

7.

પાકિસ્તાન

82

8.

વેસ્ટ ઈન્ડિઝ

77

9.

બાંગ્લાદેશ

55

(5:16 pm IST)
  • અમે કોઈપણ ધર્મ કે જાતિનું અપમાન કરવા માંગતા નથી : અમારી સિરીઝથી કોઈની લાગણી દુભાઈ હોય તો માફી માંગીએ છીએ : તાંડવ વેબસીરીઝ મામલે દેશભરમાં ઉઠેલા વિરોધને ધ્યાને લઇ ડાયરેક્ટર ,પ્રોડ્યુસરે માફી માંગી : સિરીઝમાંથી વિવાદાસ્પદ ભાગ કાઢી નાખવાની ખાત્રી આપી access_time 8:44 pm IST

  • ફેરવેલ સ્પીચમાં પત્નીએ ડોનાલ્ડ ટ્રમ્પને અરીસો બતાવ્યોઃ હિંસાને કદી યોગ્ય ગણી ન શકાયઃ હિંસાની ટીકા કરી access_time 4:08 pm IST

  • દેશમાં ૨૪ કલાકમાં કોરોનાના ૧૦૦૬૪ દર્દી આવ્યાઃ ૧૩૭ના મોતઃ કુલ કેસ થયા ૧ કરોડ ઉપરઃ ૧,૫૨,૫૫૬ મોત : નવી દિલ્હીઃ છેલ્લા ૨૪ કલાકમાં દેશમાં કોરોનાના ૧૦૦૬૪ નવા દર્દી સામે આવ્યા છે અને એ દરમ્યાન ૧૩૭ના મોત થયા છેઃ દેશમાં કુલ કેસ ૧,૦૫,૮૧,૮૩૭ થયા છે, જેમાં ૨૦૦૫૨૮ એકટીવ કેસ છે જ્યારે ૧ કરોડ ૦૨ લાખથી વધુ રીકવર થયા છેઃ કુલ મૃત્યુ ૧૫૨૫૫૬ના થયા છેઃ ગઈકાલે ૭,૦૯,૭૯૧ ટેસ્ટ કરાયા હતાઃ આ સાથે કુલ ટેસ્ટીંગ ૧૮,૭૮,૦૨,૮૨૭ થયા છે access_time 11:35 am IST