Gujarati News

Gujarati News

News of Tuesday, 19th January 2021

ગિલે ફિફટી ફટકારી ગાવસ્કરનો ૫૦ વર્ષનો જુનો રેકોર્ડ તોડયો

શુભમને ૨૧ વર્ષ ૧૩૩ દિવસની વયે ફીફટી ફટકારી

ટીમ ઇન્ડીયાના ઓપનર બેટ્સમેન શુભમન ગીલે પોતાની બેટીંગ વડે સૌને પ્રભાવિત કર્યા છે. ઓસ્ટ્રેલીયા પ્રવાસ   દરમ્યાન ટેસ્ટ ડેબ્યુ કરનારા શુભમન ગીલએ બ્રિસબેન ટેસ્ટના આજે આખરી દીવસે ફીફટી ફટકારી હતી. આ સાથે જ તેણે સુનિલ ગાવાસ્કરના ૫૦ વર્ષ જૂના રેકોર્ડને તોડી દીધો હતો. સૌથી ઓછી ઉંમરમાં ટેસ્ટ ક્રિકેટની ચોથી ઇનીંગમાં ૫૦ પ્લસ રન બનાવવા વાળો બેટ્સમેન શુભમન બન્યો છે. તેણે આ મામલામાં હવે સુનિલ ગાવાસ્કરને પાછળ છોડી દીધા છે. ગીલ એ ૨૧ વર્ષ, ૧૩૩ દિવસની ઉંમરમાં આ કારનામુ કરી દેખાડ્યુ છે.

 ગાવસ્કરની વાત કરવામાં આવે તો, તેમણે ૨૧ વર્ષ અને ૨૪૩ દિવસની ઉંમરે આમ કર્યુ હતુંં. ગાવસ્કર ૧૯૭૦-૭૧ માં વેસ્ટઇન્ડીઝ સામે પોર્ટ ઓફ સ્પેનમાં રમાઇ રહેલી પોતાની ડેબ્યૂ મેચમાં પ્રથમ પારીમાં અણનમ ૬૭ રનની ઇનીંગ રમી હતી. ગીલની આ ત્રીજી ટેસ્ટ મેચ હતી. તેની સાથે જ તેણે પોતાનો શ્રેષ્ઠ સ્કોર પણ આ ઇનીંગમાં કરી લીધો છે. ગીલએ આ પહેલા હાલના પ્રવાસ દરમ્યાન ઓસ્ટ્રેલીયા સામે ૫૦ રનની રમત રમી હતી.

(2:54 pm IST)
  • અમે કોઈપણ ધર્મ કે જાતિનું અપમાન કરવા માંગતા નથી : અમારી સિરીઝથી કોઈની લાગણી દુભાઈ હોય તો માફી માંગીએ છીએ : તાંડવ વેબસીરીઝ મામલે દેશભરમાં ઉઠેલા વિરોધને ધ્યાને લઇ ડાયરેક્ટર ,પ્રોડ્યુસરે માફી માંગી : સિરીઝમાંથી વિવાદાસ્પદ ભાગ કાઢી નાખવાની ખાત્રી આપી access_time 8:44 pm IST

  • દેશમાં કોરોના હાંફી ગયો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 13,566 કેસ નોંધાયા :કુલ કેસની સંખ્યા 1,05,96,228 થઇ :એક્ટિવ કેસ 1,94,247 થયા: વધુ 16,976 દર્દીઓ સ્વસ્થ થતા કુલ 1,02,44,839 થયા :વધુ 154 લોકોના મોત સાથે કુલ મૃત્યુઆંક 1,52,747 થયા access_time 1:03 am IST

  • સુભાષબાબુનો જન્મદિવસ પરાક્રમ દિવસ તરીકે દર વર્ષે દેશ આખો ઉજવશે : મોદી સરકારની જાહેરાત ૨૩ જાન્યુઆરીએ નેતાજી સુભાષચંદ્ર બોઝનો જન્મ દિવસ 'પરાક્રમ દિવસ' તરીકે ઉજવવાની મોદી સરકારે જાહેરાત કરી છે. દર વર્ષે 'પરાક્રમ દિવસ' તરીકે સુભાષબાબુનો જન્મ દિવસ ઉજવવામાં આવશે તેમ સાંસ્કૃતિક બાબતોના કેન્દ્રીય મંત્રાલય આજે જાહેર કરેલ છે. access_time 11:35 am IST