Gujarati News

Gujarati News

News of Friday, 18th September 2020

હું શારીરીક અને માનસિક રીતે એકદમ ફીટ છું : હાર્દિક

ઈન્જરી ખેલાડીના જીવનનો હિસ્સો, શાનદાર કમબેક કરવા માંગું છું

પીઠની સર્જરી બાદ ઘણા સમય બાદ કમબેક કરી રહેલા મુંબઈ ઇન્ડિયન્સના ઓલરાઉન્ડર હાર્દિક પંડ્યાએ પોતે માનસિક અને શારીરિક રીતે સંપૂર્ણ ફિટ હોવાનું જણાવ્યું હતું. હાર્દિકે ટીમના ટ્વિટર હેન્ડલ પર પોસ્ટ કરેલા વિડિયોમાં જણાવ્યું હતું કે પ્રેકિટસમાં જે રીતે હું બોલને ફટકારી રહ્યો છું એ જોતાં હું માનસિક અને શારીરિક રીતે સંપૂર્ણ લયમાં છું. મને મેદાનમાં જઈને મારી નેચરલ ગેમ રમતાં કોઈ સમસ્યા નહીં આવે. હાલમાં એક પુત્રના પિતા બનનાર હાર્દિકે વધુમાં કહ્યું હતું કે મને આઇપીએલ રમવાની ખૂબ જ મજા આવે છે. હું શાનદાર કમબેક કરવા માગું છું. ઇન્જરી ખેલાડીના જીવનનો એક હિસ્સો છે. કોઈ ખેલાડી ઇચ્છતો નથી હોતો કે તે ઇન્જર્ડ થાય. ઇન્જરી તો થતી રહેશે, પણ એનાથી મને વધુ મહેનત કરવાની પ્રેરણા મળે છે.

(3:30 pm IST)