Gujarati News

Gujarati News

News of Wednesday, 14th February 2018

દારૂ પીને મારામારી કરવાના મામલે ક્રિકેટર સ્ટોક્સના કેસની આજે સુનાવણી

નવી દિલ્હી: ઈંગ્લેન્ડના ઓલરાઉન્ડર ક્રિકેટર બૅન સ્ટોક્સ સામે દારૃ પી ને મારામારી કરવાના કેસની સુનાવણી શરૃ થઈ ચૂકી છે. બ્રિસ્ટલ મેજિસ્ટ્રેટ કોર્ટમાં સ્ટોક્સ હાજર રહ્યો હતો અને તેણે ચિક્કાર ભરેલા કોર્ટરૃમમાં તેની સામે મુકવાના આરોપોને નકારી કાઢ્યા હતા. ગત વર્ષે સપ્ટેમ્બરમાં એક નાઈટ કલબની બહાર દારૃ પીને બે વ્યક્તિઓ સાથે મારામારી કરવાનો આરોપ સ્ટોક્સ પર મૂકવામાં આવ્યો છે. તેની હરકતને પરીણામે એક વ્યક્તિને ગંભીર ઈજા થઈ હતી. સ્ટોક્સને પણ કેસને પગલે વેસ્ટ ઈન્ડિઝ સામેની બાકી મેચો તેમજ ઓસ્ટ્રેલિયા પ્રવાસમાં એશિઝ સિરિઝ અને વન ડે શ્રેણી ગુમાવવી પડી હતી. કોર્ટમાં હવે આગળની કાર્યવાહી હાથ ધરવામાં આવશે. જો સ્ટોક્સ કસુરવાર પુરવાર થશે તો તેને મહત્તમ ત્રણ વર્ષ સુધી જેલની સજા થઈ શકે છે. સ્ટોક્સના કેસને બ્રિસ્ટલ ક્રાઉન કોર્ટને સોંપવામાં આવ્યો છે. જોકે આગામી સુનાવણીમાં સ્ટોક્સને વ્યક્તિગત રીતે હાજર રહેવાની જરુર હોવાથી તે આંતરરાષ્ટ્રીય સ્તરની અને એક ખેલાડી તરીકેની કારકિર્દીને આગળ ધપાવવા તરફ ધ્યાન આપશે તે નક્કી છે. ઈંગ્લેન્ડના ઓલરાઉન્ડરની હાજરીને કારણે કેસને કવરેજ માટે મોટા પ્રમાણમાં મીડિયા કોર્ટરૃમની બહાર ઉપસ્થિત જોવા મળ્યું હતુ. સ્ટોક્સની સાથે સાથે રેયાન હલ અને રેયાન અલી પર પણ અંગેનો આક્ષેપ મૂકાયો હતો અને તેમણે પણ આક્ષેપને નકારી કાઢ્યા છે. સ્ટોક્સે દારૃ પીને મારામારી કરતાં વિવાદ સર્જાયો હતો. પછી ઈંગ્લેન્ડના ક્રિકેટ બોર્ડે જ્યાં સુધી તેનું નામ ક્લિયર થાય ત્યાં સુધી તેને આંતરરાષ્ટ્રીય ટીમમાં સામેલ કરવાનો નિર્ણય લીધો હતો. જોકે આઇપીએલમાં તેને રમવાની છુટ આપી હતી.

(3:46 pm IST)
  • સ્વચ્છ ભારત મિશન ઉપર કલંક લગાવતા ભાજપના પ્રધાન : ''સ્વચ્છ ભારત'' મિશન ઉપર કલંક લગાવતા રાજસ્થાનના હેલ્થ મિનિસ્ટર કાલીચરણ સરાફ : રોડ ઉપર ખુલ્લામાં લઘુશંકા કરી : કોંગ્રેસે માફી માંગવાનું કહેતા ના પાડી દીધીઃ માથે જાતા એમ કહ્યુ કે પોલીસ ૨૦૦ રૂપિયા દંડ લઈ લ્યે બીજુ શું? આ કયાં કોઈ મોટો મુદ્દો છે? access_time 4:59 pm IST

  • પ્રિયંકા ચોપડાએ ગીતાંજલિ બ્રાન્ડ જ્વેલરીની જાહેરાત માટે તેને પૈસાની ચુકવણી કરવામાં ન આવી હોવાના અને તે આ મામલે અબજોપતિ નિરવ મોદી વિરુદ્ધ કેસ કરવાની હોવાના વેહતા થયેલા મીડિયા એહવાલોને નકારી કાઢ્યા છે. જો કે પ્રિયંકાએ એમ પણ કહ્યું હતું કે તેણે ગીતાંજલિ સાથેનો કોન્ટ્રાકટ કેન્સલ કરી દેવાનો નિર્ણય લીધો છે. તે હવે આ બ્રાન્ડની જાહેરાતમાં નહિં દેખાય. આ પાછળ પ્રિયંકાએ નિરવ મોદી પર થયેલા છેતરપિંડીના આરોપોને જવાબદાર ગણાવ્યા હતા. access_time 11:51 pm IST

  • કેનેડાના વડા પ્રધાન ટ્રુડો ૧૭મીથી ભારતની ચાર દિવસ યાત્રા પરઃ ટ્રુડો સરકાર ખાલીસ્તાનીઓ પ્રત્યે કુણું વલણ ધરાવતી હોવાનો આક્ષેપ access_time 11:21 am IST