Gujarati News

Gujarati News

News of Friday, 12th January 2018

આફ્રિકાના કેપ્ટને કરી રબાડાને કિસ તો નારાજ થઈ ગર્લફ્રેન્ડ

આઈસીસીના નંબર વન ટેસ્ટ - બોલર કેગીસો રબાડાએ ભારત સામે કેપટાઉનમાં શાનદાર પ્રદર્શન કર્યુ હતું. તેણે પહેલી ટેસ્ટમાં કુલ પાંચ વિકેટ લીધી હતી. સૌથી મહત્વની વાત એ કે તેણે પહેલી ઈનિંગ્સમાં ધમાકેદાર બેટીંગ કરનાર હાર્દિક પંડ્યાની વિકેટ લઈને સાઉથ આફ્રિકાની ટીમને ભારે રાહત પહોંચાડી હતી. જો કે ત્યારબાદ જે થયુ એ રબાડા માટે બહુ ભારે પડ્યુ હતું. કેપટાઉન મેચના બીજા દિવસે રબાડાએ પંડ્યાની વિકેટ લીધી ત્યારે સાઉથ આફ્રિકાનો કેપ્ટન ફેફ ડુ પ્લેસી તેની પાસે ગયો હતો અને તેના માથા પર કિસ કરી હતી.

આઈસીસીએ બોલરોના નવા રેન્કીંગમાં રબાડાને નંબર વન બોલર જાહેર કર્યો ત્યારે ડુ પ્લેસીએ કિસ કરતો ફોટો શેર કરતા લખ્યુ હતું કે નંબર વન ટેસ્ટ બોલર બનવા પર તને આ મળ્યુ છે, શાબાશ રબાડા. તું આને લાયક છે ચેમ્પિયન.

જો કે રબાડાએ આ ફોટો પર કમેન્ટ કરતા લખ્યુ હતું કે મારી ગર્લફ્રેન્ડ કિસ પર ફરીયાદ કરી રહી છે.

(12:35 pm IST)
  • ભારતમાં ૮૦ ટકા લોકો મિડીયા ન્યુઝને અધિકૃત માને છેઃ અમેરીકામાં ૬૨ ટકા માને છે ભારતમાં વસતા પ્રજાજનો પૈકી ૮૦ ટકા લોકો મિડીયાના ન્યુઝને અધિકૃત માને છેઃ જયારે અમેરીકામાં આવા લોકોની સંખ્યા ૬૨ ટકા છેઃ ઉપરાંત ભારતના ૭૨ ટકા લોકો મિડીયાને તટસ્થ તથા નિરપક્ષ ગણતા હોવાનો સર્વે બહાર આવ્યો છે. access_time 3:48 pm IST

  • અમેરિકાના દક્ષિણ કેલિફોર્નિયામાં આવેલા ભારે વરસાદ બાદ પૂરની સ્થિતિ સર્જાઈ છે. કેલિફોર્નિયામાં અનેક વિસ્તારોમાં ભૂસ્ખલનની ઘટના બની છે, જેના કારણે હજારો લોકો બેઘર થઈ ગયા છે અને 17 લોકોના મોત નિપજ્યા છે. જ્યારે 20થી વધુ લોકો લાપતા છે. મૃત્યુઆંક હજુ પણ વધે તેવી શક્યતા સેવાઈ રહી છે. access_time 6:16 pm IST

  • સુપ્રીમ કોર્ટના જજોના વિવાદ પર કૉંગ્રેસે SIT દ્વારા તપાસ કરાવવાની કરી માંગ : પત્રકાર પરિષદમાં ન્યાયમૂર્તિઓના મુદ્દે કોંગેસ અધ્યક્ષ રાહુલ ગાંધીએ કહ્યું કે આ ઘટના અભૂતપૂર્વ છે, પ્રથમ વખત આવી ઘટના બની છે - ન્યાયમૂર્તિઓએ જસ્ટીસ લોયાની વાત કરી છે, તેની ઉચ્ચ સ્તરે તપાસ કરાવો - ન્યાયમૂર્તિઓનો પ્રશ્ન અત્યંત મહત્વપૂર્ણ છે તેનો ત્વરિત ઉકેલ લાવવો જોઈએ - સમગ્ર દેશને અદાલતી પ્રણાલી પર સંપૂર્ણ વિશ્વાસ છે : શ્રી સુર્જેવાલાએ વધુમાં કહ્યું કે સુપ્રીમ કોર્ટને ન્યાયમૂર્તિઓ દ્વારા ઉઠાવવામાં આવેલા મુદ્દાઓ પર વિચાર કરવો જોઇએ : જજો દ્વારા થયેલ પત્રકાર પરિષદ લોકશાહી પર દૂરગામી અસર કરશે access_time 8:11 pm IST