Gujarati News

નવી દિલ્હી:બોક્સિંગ ફેડરેશન ઓફ ઈન્ડિયા (BFI) એ એક નિવેદનમાં જણાવ્યું હતું કે, "છ વખતની વર્લ્ડ ચેમ્પિયન મેરી કોમે શુક્રવારે ઈજાને કારણે 2022 કોમનવેલ્થ ગેમ્સ માટે ચાલી રહેલા મહિલા બોક્સિંગ ટ્રાયલ્સમાંથી ખસી ગઈ હતી." લંડન ઓલિમ્પિકની બ્રોન્ઝ મેડલ વિજેતા મેરી કોમ બાઉટના પહેલા જ રાઉન્ડમાં રિંગમાં પડી ગઈ હતી. 39 વર્ષીય મહિલાએ ઉભા થઈને સ્પર્ધા કરવાનો પ્રયાસ કર્યો પરંતુ બે મુક્કા માર્યા બાદ તેણીએ પોતાનું સંતુલન ગુમાવ્યું અને ડાબા પગને પકડીને બેસી ગઈ. ત્યારબાદ તેણે રિંગ છોડવી પડી અને રેફરીએ નીતુને વિજેતા જાહેર કરી. આ વર્ષે પોતાની ડેબ્યૂમાં પ્રતિષ્ઠિત સ્ટ્રેન્ડજા મેમોરિયલ ટુર્નામેન્ટમાં ગોલ્ડ મેડલ જીતનાર નીતુ હવે કોમનવેલ્થ ગેમ્સની ટીમમાં સ્થાન મેળવવા માટે મંજુ રાની સામે ટકરાશે.