Gujarati News

નવી દિલ્હીઃ  બિનસતાવાર અહેવાલો માંથી જાણવા મળ્યું છે કે બીસીસીઆઇએ કોહલીને સ્વેચ્છાએ કેપ્ટનશિપ છોડવા કહ્યું હતું.  પરંતુ કોહલી ન માન્યા બાદ બોર્ડે ટીમની બાગડોર રોહિત શર્માને સોંપી હતી. બીસીસીઆઈએ વિરાટ કોહલીને સ્વેચ્છાએ સુકાની પદ છોડવા માટે ૪૮ કલાકનો સમય આપ્યો હતો.  આ પછી પસંદગી સમિતિએ  વિરાટ કોહલીના સ્થાને રોહિત શર્માને ભારતનો વન-ડે ટીમના કેપ્ટન બનાવવાનો નિર્ણય જાહેર કર્યો હતો.

 જો કે વિરાટ કોહલીની બરતરફીની વાત પણ બીસીસીઆઇના નિવેદનમાં સામેલ નથી, જેમાં માત્ર એટલું જ કહેવામાં આવ્યું હતું કે પસંદગી સમિતિએ રોહિતને ODI અને T20 ટીમોના કેપ્ટન તરીકે નામ આપવાનો નિર્ણય કર્યો છે. સંભવતઃ ઘરઆંગણે ૨૦૨૩ માં યોજાનાર વન-ડે વર્લ્ડ કપમાં ભારતીય ટીમનું નેતૃત્વ રોહીત શર્મા જ કરશે.   જે ક્ષણે ભારત ટી૨૦ વર્લ્ડ કપના ગ્રુપ સ્ટેજમાંથી બહાર થઈ ગયું હતું, કોહલીની કેપ્ટનશિપમાંથી હટાવવાનું લગભગ નિશ્ચિત હતું પરંતુ બીસીસીઆઇના અધિકારીઓ છેલ્લા સાડા ચાર વર્ષથી ટીમના કેપ્ટનને સન્માનજનક રસ્તો આપવા માંગતા હતા.

 અંતે એવું લાગે છે કે વિરાટ કોહલી પાસે બીસીસીઆઈ સાથે હકાલપટ્ટી કરવા સિવાય બીજો કોઈ વિકલ્પ બચ્યો ન હતો.  આ પછી બીસીસીઆઇએ આગળ વધીને આવું પગલુ ભર્યુ હોઇ શકે છે.  મહેન્દ્રસિંહ ધોની બાદ વિરાટ કોહલી ટીમનો કેપ્ટન બન્યો હતો.

 હવે ટેસ્ટ ટીમની કમાન વિરાટ કોહલી સંભાળશે અને મર્યાદિત ઓવરની ક્રિકેટ (ODI/T20)ની કમાન રોહિત શર્મા સંભાળશે.  તેની શરૂઆત દક્ષિણ આફ્રિકાના પ્રવાસથી થશે.  ભારતે આ પ્રવાસમાં ત્રણ ટેસ્ટ અને ત્રણ વનડે મેચોની શ્રેણી રમવાની છે.  પ્રથમ ટેસ્ટ ૨૬ ડિસેમ્બરથી સેન્ચુરિયનમાં રમાશે.

રોહિતની નવા  વન-ડેના કેપ્ટન તરીકે નિમણૂકને ઘણા ભૂતપૂર્વ ક્રિકેટરો અને કોમેન્ટેટરો દ્વારા આવકારવામાં આવ્યો છે.  ઈંગ્લેન્ડના પૂર્વ કેપ્ટન માઈકલ વોને કહ્યું કે આ એકદમ સાચો નિર્ણય છે.  સાથે જ આઇસીસીએ પણ રોહિતને અભિનંદન પાઠવ્યા છે.  આઈસીસીએ તેને મર્યાદિત ઓવરની ક્રિકેટમાં ભારત માટે નવા યુગની શરૂઆત ગણાવી છે.   (૪૦.૩)

ટેસ્ટ-વન-ડે સિરીઝનો શેડયુલ

૧લી ટેસ્ટ, ૨૬-૩૦ ડિસેમ્બર, સુપરસ્પોર્ટ પાર્ક, સેન્ચુરિયન, ૨જી ટેસ્ટ, જાન્યુઆરી ૦૩-૦૭, વાન્ડરર્સ, જોહાનિસબર્ગ, ત્રીજી ટેસ્ટ, ૧૧-૧૫ જાન્યુઆરી, ન્યૂલેન્ડ્સ, કેપ ટાઉન  ODI શ્રેણીની પ્રથમ ODI ૧૯ જાન્યુઆરીએ, બીજી ODI ૨૧ જાન્યુઆરીએ અને છેલ્લી ODI ૨૩ જાન્યુઆરીએ રમવાની છે.  પ્રથમ બે વનડે પાર્લના બોલેન્ડ પાર્કમાં રમાશે, જ્યારે છેલ્લી કેપટાઉનના ન્યુલેન્ડ્સ ગ્રાઉન્ડમાં રમાશે. દક્ષિણ આફ્રિકા પ્રવાસ માટે ટીમ ઈન્ડિયાની ટેસ્ટ ટીમની જાહેરાત કરવામાં આવી છે. આ સાથે રોહિત શર્માને નવી જવાબદારી સોંપવામાં આવી છે.  તેને T20 ઈન્ટરનેશનલ બાદ ટીમ ઈન્ડિયાનો નવો ODI કેપ્ટન બનાવવામાં આવ્યો છે.