News of Thursday, 8th March 2018

બાંગ્લાદેશ સામે ભારતનો છ વિકેટે વિજય : જયદેવ ઉનડકટે ત્રણ વિકેટ ઝડપી :ધવને ફટકારી ફિફટી

ત્રિકોણીય ટી-20માં ક્રિકેટ સિરીઝમાં ભારતની પ્રથમ જીત હાંસલ કરી ;રૈનાએ 28 રન ફટકારી ધવન સાથે મજબૂત શરૂઆત કરી

 

શ્રીલંકામાં રમાઈ રહેલી ત્રિકોણીય ટી20 ક્રિકેટ સિરીઝમાં ભારતે પોતાનો પ્રથમ વિજય હાંસલ કરતાં બાંગ્લાદેશને છ વિકેટથી હરાવ્યું છે ભારતે ટોસ જીતીને બાંગ્લાદેશને પ્રથમ બેટિંગ આપતા બાંગ્લાદેશનાં 20 ઓવર્સમાં 8 વિકેટે 139 રનનાં જવાબમાં ભારતે 18.4 ઓવર્સમાં 6 વિકેટ ગુમાવી ટાર્ગેટ પૂરો કરી લીધો હતો.શ્રીલંકા સામે પ્રથમ મેચમાં પરાજિત થયા બાદ ભારતે સિરીઝમાં પહેલો વિજય હાંસલ કર્યો છે

બાંગ્લાદેશ તરફથી લિટન દાસે 34 અને શબ્બીર રહેમાને 30 રનની ઈનિંગ રમી હતી. 140 રનનાં ટાર્ગેટ સામે રમતા ભારતે 5.1 ઓવર સુધીમાં 40 રનમાં રોહિત શર્મા અને રિશભ પંતની વિકેટ ગુમાવી દીધી હતી પરંતુ શિખર ધવને સળંગ બીજી મેચમાં અડધી સદી નોંધાવી હતી.સુરેશ રૈનાએ પણ 27 બોલમાં 28 રન ફટકાર્યા હતાં. બંનેએ નવ ઓવરમાં 68 રનની ભાગીદારી નોંધાવીને ભારતની ટીમનો વિજય આસાન બનાવી દીધો હતો

  . ધવને 43 બોલમાં 55 રન કર્યા હતાં. ભારત તરફથી બોલિંગમાં જયદેવ ઉનડકટે સૌથી વધુ ત્રણ વિકેટ લીધી જ્યારે બેટિંગમાં ફરી એકવાર ધવને(55) અર્ધી સદી ફટકારી હતી.જયદેવ ઉનડકટે 38 રન આપીને ત્રણ વિકેટ ઝડપી હતી. ટી20 ક્રિકેટમાં ભારત સામે બાંગ્લાદેશનો આ ત્રીજો સૌથી ઓછો સ્કોર હતો. અગાઉ તેઓ 2016માં 121 અને 2014માં ભારત સામે 138 રન કરી શક્યા હતા અને આ બંને મેચ મિરપુર ખાતે રમાઈ હતી.

(12:51 am IST)
  • રાજકોટના જામકંડોરણાના અડવાણાનાં એક ખેતરમાં યુવક - યુવતીના જમીનમાં દાટેલા મૃતદેહ મળતા ચકચાર મચી જવા પામી છે : પોલીસે શરૂ કરી તપાસ access_time 9:24 am IST

  • જગવિખ્યાત સુફી ગાયક બેલડી વડાલી બ્રધર્સમાં નાના ભાઈ ઉસ્તાદ પ્યારેલાલ વડાલીનું 75 વર્ષની ઉમંરે હાર્ટ એટેકમાં મૃત્યુ થયુ છે. પ્યારેલાલ છેલ્લા કેટલાક સમયથી બીમાર હતા અને ગઈ કાલે તેમને હાર્ટ એટેક આવ્યો હતો. ગઈ કાલે તેમને અમૃતસરની ફોર્ટિસ હોસ્પિટલમાં દાખલ કરવામાં આવ્યા હતાં. ત્યાં આજે સવારે તેમણે અંતિમ શ્વાસ લીધા હતા. પ્યારેલાલ વડાલીના નિધન વિશે તેમના ભત્રીજા લખવિંદર વડાલીએ જાણ કરી હતી. access_time 1:04 pm IST

  • વિડિયોકોન ગ્રુપના ચેરમેન વેણુગોપાલ ધૂત દેશ છોડીને ભાગી ગયા હોવાના રિપોર્ટ વહેતા થયા હતા, જો કે વેણુગોપાલે કહ્યું કે ‘આ માત્ર અફવા છે હું ભારતમાં જ છું અને દેશ છોડીને જવાનો મારો કોઇ ઇરાદો પણ નથી. હું અહ્યાં ખુશ છું અને છેલ્લા 5 વર્ષથી દેશની બહાર ગયો પણ નથી.’ ઉલ્લેખનીય છે કે વિડિયોકોન પર 20,000 કરોડનો કરજો છે. access_time 4:50 pm IST